Messa kl. 11 – 2. sunnudag eftir páska – 19. apríl

Góði hirðirnnMessa og barnastarf, 2. s. e. páska, 19. apríl, kl. 11.

Umsjón með barnastarfi hefur Hugrún Kristín Helgadóttir, æskulýðsfulltrúi.

Kirkjukórinn syngur, organisti Jörg Sondermann. Prestur Þorvaldur Karl Helgason.

Kaffisopi eftir messu og súpa og brauð á vægu verði.


23. Davíðssálmur

Drottinn er minn hirðir, mig mun ekkert bresta. Á grænum grundum lætur hann mig hvílast, leiðir mig að vötnum þar sem ég má næðis njóta. Hann hressir sál mína, leiðir mig um rétta vegu fyrir sakir nafns síns. Þótt ég fari um dimman dal óttast ég ekkert illt því að þú ert hjá mér, sproti þinn og stafur hugga mig. Þú býrð mér borð frammi fyrir fjendum mínum, þú smyrð höfuð mitt með olíu, bikar minn er barmafullur. Gæfa og náð fylgja mér alla ævidaga mína og í húsi Drottins bý ég langa ævi.

 

Fermingarmessa kl. 11 – 12. apríl 2015

Fermingarmessa kl. 11, 12. apríl, fyrsta sunnudag eftir páska.

Kirkjukórinn syngur. Organisti Jörg Sondermann. Prestar Axel Árnason Njarðvík og Þorvaldur Karl Helgason. Spjaltölva 019

Á sama tíma verður sunnudagaskóli í safnaðarheimilinu, í umsjá Hugrúnar Kristínar Helgadóttur, æskulýðsfulltrúa.

Fermingarbörnin eru: Daníel Garðar Antonsson, Díana Dögg Svavarsdóttir, Erla Rún Kaaber, Erlingur Örn Birgisson, Gunnar Flosi Grétarsson, Hekla Rún Harðardóttir, Jónína Sigurjónsdóttir.

Gleðilega páska!

Spjaltölva 015

„Að liðnum hvíldardegi, þegar lýsti af fyrsta degi vikunnar, komu þær María Magdalena og María hin til að líta á gröfina. Þá varð landskjálfti mikill því engill Drottins sté niður af himni, kom og velti steininum og settist á hann. Hann var sem elding ásýndum og klæðin hvít sem snjór. Varðmennirnir skulfu af hræðslu við hann og urðu sem örendir. En engillinn mælti við konurnar: „Þið skuluð eigi óttast. Ég veit að þið leitið að Jesú hinum krossfesta. Hann er ekki hér. Hann er upp risinn, eins og hann sagði. Komið og sjáið staðinn þar sem hann lá. Farið í skyndi og segið lærisveinum hans: Hann er upp risinn frá dauðum, hann fer á undan ykkur til Galíleu. Þar munuð þið sjá hann. Þetta hef ég sagt ykkur.“ Og þær fóru í skyndi frá gröfinni, með ótta og mikilli gleði, og hlupu að flytja lærisveinum hans boðin“. (Matteusarguðspjall 28: 1-8)


Leiksýning, þriðjudagskvöld 24. febrúar kl. 20 – allir velkomnir.

Leikritið „Upp, upp mín sál“ verður sýnt í Selfosskirkju, þriðjudagskvöldið, 24. febrúar- kl. 20. Fermingarbörnum og fjölskyldum þeirra er sérstaklega boðið á þetta leikrit, en sýningin er öllum opin. Leikritið tekur 45 mínútur í flutningi. Leikarar eru þrír: Eggert Kaaber, Katrín Þorkelsdóttir og Valgeir Skagfjörð sem er jafnframt leikstjóri.

Stoppleikhópurinn sýnir leikritið sem segir frá uppvaxtarárum Hallgríms Péturssonar. Verkið byggir að mestu á bókinni „Heimanfylgju“ eftir Steinunni Jóhannesdóttur en leikgerðin er eftir Valgeir Skagfjörð.

Verkið er sniðið að ungum áhorfendum og miðar að því að gefa grunnskólabörnum innsýn inn í lífsbaráttu Íslendinga á 17. öld og hvaða merkingu það hafði fyrir ungan dreng eins og Hallgrím Pétursson að alast upp í Skagafirði á þeim tíma. Hvaða áhrif hafði það á hann að dvelja á biskupssetrinu að Hólum í Hjaltadag og ganga í skóla á æðsta menntasetri landsins og kynnast því merka fólki sem þar bjó. Stórviðburðir sögunnar á borð við Kötlugos, farsóttir, hamfaraveður, galdrabrennur, Tyrkjarán og dauðsföll allt um kring settu svip sinn á uppvöxt þessa mesta stórskálds þjóðarinnar.

Sagan er sögð á einfaldan en skemmtilegan hátt með aðferðum leikhússins, söng og hljóðfæraslætti.

Verið velkomin.

Messa, sunnudagaskóli, ungverskur einsöngvari – kl. 11- 25. jan. 2015

László Kéringer, tenórsöngvari

László Kéringer, tenórsöngvari

Messa og sunnudagaskóli kl. 11. Prestur Þorvaldur Karl Helgason, umsjón með barnastarfi hefur Hugrún Kristín Helgadóttir. Kirkjukórinn syngur. Einsöng syngur László Kéringer, tenórsöngvari frá Ungverjalandi. Organisti Edit Molnár.  Súpa og kaffi að lokinni messu. – Verið öll velkomin.