Messa sunnudaginn 8. september og samverustund 10. september

Messa verður sunnudaginn 8. september kl. 11:00.  Kirkjukórinn syngur, organisti Edit A. Molnár, prestur Guðbjörg Arnardóttir.  Barn borið til skírnar og sunnudagaskóli / fjölskyldusamvera verður á sama tíma, umsjón Jóhanna Ýr Jóhannsdóttir.

Samverustund verður þriðjudaginn 10. september í Selfosskirkju kl. 20:00 á alþjóðadegi sjálfsvígsforvarna.  Karítas Harpa Davíðsdóttir sér um tónlistina, fulltrúi frá Píeta kynnir samtökin, aðstandandi talar um eigin reynslu, bænastund og kveikt á kertum í minningu látinna ástvina.  Prestar Selfoss-, Eyrarbakka-, og Hveragerðiskirkjuprestakalla annast stundina.  Kaffisopi í safnaðarheimilinu á eftir. 

Messa í Selfosskirkju og göngumessa í Hellisskógi

Messa verður í Selfosskirkju sunnudaginn 28. júlí kl. 11:00.  Kirkjukórinn syngur, organisti Elísa Elíasdóttir.  Prestur Guðbjörg Arnardóttir.  Katrín Birna Sigurðardóttir nemandi í Tónlistarskóla Árnesinga spilar á Selló í athöfninni.

Um kvöldið kl. 20:00 verður göngumessa í Hellisskógi, byrjað verður við bílastæðin, gengið um og stoppað með ritningarlestri, prédikun og bæn. 


 

Helgihald í Selfossprestakalli á hvítasunnu

Selfosskirkja
Hátíðarmessa á hvítasunnudag kl. 11:00.  Kirkjukórinn syngur, organisti Ester Ólafsdóttir.  Prestur Guðbjörg Arnardóttir.

Villingaholtskirkja.
Fermingarmessa á hvítasunnudag kl. 13:30.  Kór kirkjunnar syngur, organisti Ingi Heiðmar Jónsson.  Prestur Guðbjörg Arnardóttir

Hraungerðiskirkja
Hátíðarmessa á annan hvítasunnudag kl. 13:30.  Kór kirkjunnar syngur, organisit Ingi Heiðmar Jónsson.  Prestur Guðbjörg Arnardóttir

Uppstigningardagur í Selfosskirkju

Uppstigningardagur er dagur eldri borgara í kirkjunni.  Af því tilefni verður messa í Selfosskirkju á uppstigningardegi 30. maí kl. 11:00.  Hörpukórinn leiðir safnaðarsöng og syngur, stjórnandi kórsins er Guðmundar Eiríkssonar.  Prestur Guðbjörg Arnardóttir.  Eftir messuna verður borin fram súpa í Safnaðarheimilinu í boði héraðssjóðs.  Verið innilega velkomin!

Fundur vegna fermingarfræðslu 2019-2020

Fermingarfræsðla í Selfossprestakalli 2019-2020

Þriðjudagskvöldið 21. maí kl. 19:30 boða prestarnir í Selfossprestakalli foreldra væntanlegra fermingarbarna vorsins 2020 til fundar í Selfosskirkju.  Þar verður fyrirkomulag fræðslunnar næsta vetur kynnt, m.a. fræðslunámskeið í ágúst, fermingarferðalag sem og fermingardagar næsta vors.  Allar nánari upplýsingar veita prestarnir sr. Guðbjörg í síma 8654444 eða gudbjorg.arnardottir@kirkjan.is og sr. Ninna Sif í síma 8491321eða ninna.sif.svavarsdottir@kirkjan.is

Með kærum kveðjur

Guðbjörg og Ninna Sif

Krossamessa sunnudaginn 19. maí

Sunnudaginn 19. maí kl. 11:00 verður hin árlega krossamessa.  Þeir Unglingar sem ljúka störfum hjá kórnum eru heiðraðir og fá afhent sérsmíðað hálsmen frá kirkjunni.  Kirkjukórinn og Unglingakórinn syngja og verður kórsöngurinn í fyrirrúmi í athöfninni.  Stjórnandi Unglingakósins er Eyrún Jónasdóttir og organisti er Ester Ólafsdóttir.  Prestur Guðbjörg Arnardóttir. 

Helgihald í Selfossprestakalli 11.-12. maí

Laugardaginn 11. maí og sunnudaginn 12. maí kl. 11:00 verða fermingarmessur í Selfosskirkju.  Kirkjukórinn og raddir úr Unglingakórnum syngja.  Organisti Ester Ólafsdóttir.  Prestar Guðbjörg Arnardóttir og Ninna Sif Svavarsdóttir.

Sunnudaginn 12. maí kl. 13:30 verður þjóðbúningamessa í Villingaholtskirkju.  Söngkór Hraungerðis- og Villingaholtssókn syngur.  Organisti Ingi Heiðmar Jónsson, prestur Guðbjörg Arnardóttir.  Fólk hvatt til að koma í þjóðbúningum.  Pálnínuboð/messukaffi í Þjórsárveri á eftir.

Helgihald í dymbilviku og um páska í Selfossprestakalli

Helgihald í dymbilviku og um páska í Selfossprestakalli
Skírdagur 18. apríl
Fermingarmessa í Selfosskirkju kl. 11:00
Fermingarmessa í Laugardælakirkju kl. 13:30

Föstudagurinn langi
Pílagrímaganga á föstudaginn langa –  Golgataganga.  Gangan hefst með stuttri helgistund í Selfosskirkju kl. 9:45.  Gengið verður til Laugardælakirkju og þar hefst helgistund kl. 11.45.  Göngustjórar eru sr. Axel Árnason Njarðvík og sr. Ninna Sif Svavarsdóttir.   Allir eru velkomnir að slást í hópinn og svo er líka hægt að sækja helgistundir á báðum stöðum þótt fólk taki ekki þátt í göngunni.  Göngufólk er beðið að koma vel skóað, klætt eftir veðri og með nesti.

Páskadagur
Hátíðarmessa í Selfosskirkju kl. 08:00.  Kirkjukórinn syngur undir stjórn Esterar Ólafsdóttur, prestur Guðbjörg Arnardóttir.  Morgunverður í boði og umsjón sóknarnefndar Selfosskirkju í Safnaðarheimilinu að messu lokinni.

Hátíðarmessa í Villingaholtskirkju kl. 11:00.  Söngkór Hraungerðis- og Villingaholtssókna syngur undir stjórn Inga Heiðmars Jónssonar.  Prestur Guðbjörg Arnardóttir.

Annar páskadagur
Hátíðarmessa í Hraungerðiskirkju kl. 11:00.  Söngkór Hraungerðis- og Villingaholtssókna syngur undir stjórn Inga Heiðmars Jónassonar.  Prestur Guðbjörg Arnardóttir.