Helgihald á hvítasunnu

Helgihald um hvítasunnuhelgina í Selfossprestakalli:

Á hvítasunnudag er hátíðarmessa í Selfosskirkju kl. 11.  Hátíðarsöngvar sungir.  Sr. Ninna Sif Svavarsdóttir þjónar, organisti Edit Molnár, kór kirkjunnar syngur.  Kl. 13.30 er svo fermingarmessa í Hraungerðiskirkju.  Þar þjónar einnig sr. Ninna Sif Svavarsdóttir, organisti er Ingi Heiðmar Jónsson og kór Villingaholts – og Hraungerðissókna syngur.

Á annan hvítasunnudag er fermingarmessa í Villingaholtskirkju kl. 11. Sr. Ninna Sif Svavarsdóttir þjónar, organisti Ingi Heiðmar Jónsson, kór Villingaholts – og Hraungerðissókna syngur.

Góðar stundir framundan og gott samfélag.  Sjáumst í kirkjunni!

Uppstigningardagur – dagur eldri borgara

Uppstigningardagur er dagur eldri borgara í kirkjunni.  Messa verður í Selfosskirkju kl. 11 þar sem Hörpukórinn, kór eldri borgara á Selfossi syngur undir stjórn Guðmundar Eiríkssonar.  Sr. Ninna Sif Svavarsdóttir þjónar.

Eftir messu verður borin fram súpa og eitthvað gott með kaffinu í safnaðarheimilinu í boði héraðssjóðs.  Allir velkomnir, sjáumst í kirkjunni!

Samtal um sorg í Selfosskirkju

Eftir páska verður boðið upp á samtal um sorg og áföll í Selfosskirkju.  Um er að ræða 4 samverur sem hefjast á stuttu erindi en síðan er boðið um á samtal.  Samtalinu stýra prestar kirkjunnar þær Guðbjörg Arnardóttir og Ninna Sif Svavarsdóttir.

Komið er saman á baðstofuloftinu í Selfosskirkju fimmtudagskvöldin 5., 12. og 26.apríl og svo miðvikudaginn 2.maí.  Samtalið hefst kl. 20 og stendur í um klukkustund.

Skráning fer fram hjá prestunum á netfangið gudbjorg.arnardottir@kirkjan.is eða í síma 8654444 eða ninna.sif.svavarsdottir@kirkjan.is eða í síma 8491321.

Æskulýðsdagur þjóðkirkjunnar í Selfosskirkju

Fyrsti sunnudagur í mars er æskulýðsdagur þjóðkirkjunnar.  Þann dag verða tvær messu í Selfosskirkju helgaðar unga fólkinu.  Kl. 11 verður fjölskyldumessa með þátttöku barna og unglinga úr æskulýðsstarfi kirkjunnar.  Söngur, gleði og gaman!  Umsjón með stundinni hafa Jóhanna Ýr og sr. Ninna Sif.  Allir velkomnir, súpa og brauð gegn vægu gjaldi að messu lokinni.  Kl. 12.30 hefst svo aðalsafnaðarfundur í safnaðarheimilinu.

Kl. 20 verður  Star Wars messa.  Þar leika nemendur Tónlistarskóla Árnesinga tónlist úr Star Wars kvikmyndunum á ýmis hljóðfæri og fjallað verður um stef og persónur í kvikmyndunum frá sjónarhóli trúarinnar.

Skemmtilegur konudagur í Selfosskirkju – safnað fyrir flygli

Í Selfosskirkju gerum við okkur dagamun á konudaginn.  Í messunni kl. 11 verður tónlistarveisla þar sem boðið verður upp á hljóðfæra leik og kirkjukórinn og unglingakórinn syngja.  Að messu lokinni verður borin fram dýrindis súpumáltíð í safnaðarheimilinu sem Renuka Chareyre á Seylon reiðir fram ásamt sjálfboðaliðum úr kirkjustarfinu.  Máltíðin mun kosta 1000 kr. og mun öll innkoman fara óskert í kaup á flygli í Selfosskirkju.  Þá munu félagar úr Lionsklúbbi Selfoss gefa öllum konum sem koma til kirkju eina rós.

Slökunar – og bænajóga í Selfosskirkju

Á miðvikudögum í febrúar kl. 17.30 verður boðið upp á slökunarjóga í Selfosskirkju með bænaívafi.  Um er að ræða klukkustundar langar samverur þar sem gerðar verða einfaldar jóga – og slökunaræfingar og iðkuð bæn.  Umsjón með samverunum hefur Ragnheiður Eiríksdóttir jógakennari ásamt prestum Selfossprestakalls.

Þátttaka er gjaldfrjáls en við biðjum þau sem vilja taka þátt að skrá sig hjá prestunum á netföngin gudbjorg.arnardottir@kirkjan.is eða ninna.sif.svavarsdottir@kirkjan.is.  Æskilegt er að hafa með sér dýnu til að leggja á gólfið og jafnvel einnig hlýtt teppi.  Fyrsta samveran verður miðvikudaginn 7.febrúar nk.