Fundur vegna fermingarfræðslu 2019-2020

Fermingarfræsðla í Selfossprestakalli 2019-2020

Þriðjudagskvöldið 21. maí kl. 19:30 boða prestarnir í Selfossprestakalli foreldra væntanlegra fermingarbarna vorsins 2020 til fundar í Selfosskirkju.  Þar verður fyrirkomulag fræðslunnar næsta vetur kynnt, m.a. fræðslunámskeið í ágúst, fermingarferðalag sem og fermingardagar næsta vors.  Allar nánari upplýsingar veita prestarnir sr. Guðbjörg í síma 8654444 eða gudbjorg.arnardottir@kirkjan.is og sr. Ninna Sif í síma 8491321eða ninna.sif.svavarsdottir@kirkjan.is

Með kærum kveðjur

Guðbjörg og Ninna Sif

Krossamessa sunnudaginn 19. maí

Sunnudaginn 19. maí kl. 11:00 verður hin árlega krossamessa.  Þeir Unglingar sem ljúka störfum hjá kórnum eru heiðraðir og fá afhent sérsmíðað hálsmen frá kirkjunni.  Kirkjukórinn og Unglingakórinn syngja og verður kórsöngurinn í fyrirrúmi í athöfninni.  Stjórnandi Unglingakósins er Eyrún Jónasdóttir og organisti er Ester Ólafsdóttir.  Prestur Guðbjörg Arnardóttir. 

Helgihald í Selfossprestakalli 11.-12. maí

Laugardaginn 11. maí og sunnudaginn 12. maí kl. 11:00 verða fermingarmessur í Selfosskirkju.  Kirkjukórinn og raddir úr Unglingakórnum syngja.  Organisti Ester Ólafsdóttir.  Prestar Guðbjörg Arnardóttir og Ninna Sif Svavarsdóttir.

Sunnudaginn 12. maí kl. 13:30 verður þjóðbúningamessa í Villingaholtskirkju.  Söngkór Hraungerðis- og Villingaholtssókn syngur.  Organisti Ingi Heiðmar Jónsson, prestur Guðbjörg Arnardóttir.  Fólk hvatt til að koma í þjóðbúningum.  Pálnínuboð/messukaffi í Þjórsárveri á eftir.

Helgihald í dymbilviku og um páska í Selfossprestakalli

Helgihald í dymbilviku og um páska í Selfossprestakalli
Skírdagur 18. apríl
Fermingarmessa í Selfosskirkju kl. 11:00
Fermingarmessa í Laugardælakirkju kl. 13:30

Föstudagurinn langi
Pílagrímaganga á föstudaginn langa –  Golgataganga.  Gangan hefst með stuttri helgistund í Selfosskirkju kl. 9:45.  Gengið verður til Laugardælakirkju og þar hefst helgistund kl. 11.45.  Göngustjórar eru sr. Axel Árnason Njarðvík og sr. Ninna Sif Svavarsdóttir.   Allir eru velkomnir að slást í hópinn og svo er líka hægt að sækja helgistundir á báðum stöðum þótt fólk taki ekki þátt í göngunni.  Göngufólk er beðið að koma vel skóað, klætt eftir veðri og með nesti.

Páskadagur
Hátíðarmessa í Selfosskirkju kl. 08:00.  Kirkjukórinn syngur undir stjórn Esterar Ólafsdóttur, prestur Guðbjörg Arnardóttir.  Morgunverður í boði og umsjón sóknarnefndar Selfosskirkju í Safnaðarheimilinu að messu lokinni.

Hátíðarmessa í Villingaholtskirkju kl. 11:00.  Söngkór Hraungerðis- og Villingaholtssókna syngur undir stjórn Inga Heiðmars Jónssonar.  Prestur Guðbjörg Arnardóttir.

Annar páskadagur
Hátíðarmessa í Hraungerðiskirkju kl. 11:00.  Söngkór Hraungerðis- og Villingaholtssókna syngur undir stjórn Inga Heiðmars Jónassonar.  Prestur Guðbjörg Arnardóttir.

Pílagrímaganga á föstudaginn langa – Golgataganga.

Föstudaginn langa, föstudaginn 19.apríl, verður gengin pílagrímaganga frá Selfosskirkju í Laugardælakirkju.

Gangan hefst með stuttri helgistund í Selfosskirkju kl. 9:45.  Gengið verður til Laugardælakirkju og þar hefst helgistund kl. 11.45.  Göngustjórar eru sr. Axel Árnason Njarðvík og sr. Ninna Sif Svavarsdóttir.   Allir eru velkomnir að slást í hópinn og svo er líka hægt að sækja helgistundir á báðum stöðum þótt fólk taki ekki þátt í göngunni.  Göngufólk er beðið að koma vel skóað, klætt eftir veðri og með nesti.

Apríl og Biblían

Fjóra þriðjudaga í apríl 2019 verður blaðað á ný í Biblíunni á baðstofulofti Selfosskirkju.
Axel Á Njarðvík héraðsprestur leiðir samtal um afar ráhugaverða þætti Biblíunnar, um eðli textans, sögu hans og notkun. Í fjögur skipti koma þátttakendur sama að textum Biblíunnar til að lesa hann og hugleiða og fara síðan ríkari heim. Það hefst kl. 18:00 þriðjudaginn 2. apríl og stendur yfir góða klukkustund.  Síðan hittumst við næstu þriðjudaga, þann 9., 16. og 23. ap´ríl og svo einn til sem við finnum út saman. Vinsamlega skráið ykkkur með því að hringja skráningu í Axel síma 856 1574 eða með tölvupósti á axel.arnason@kirkjan.is.  Núna verður tekið fyrir fjórir þættir sem breyta veröld. Þátttaka er ókeypis og verið velkomin, þau sem eru ung sem eldri.

Sunnudagsskóli og messa 24. mars 2019

Að vanda er sunnudagsskóli og messa í Selfosskirkju á sama tíma kl. 11 sunnudaginn 24. mars nk. Tækifæri gefst þá til að taka sálarinnar æfingar og stilla streng sinn tilverunni. Eldri nemendur Tónlistaskóla Árnesinga spila í messunni. Súpa í hádeginu í safnaðarheimilinu. Þú ert velkominn.