Fundir með foreldrum og verðandi fermingarbörnum

Við undirbúum það að taka á móti nýjum fermingarárgangi.  Fundir með foreldrum og verðandi fermingarbörnum verða á mánudag og miðvikudag kl. 17:30 og hafa foreldar val um hvorn fundinn þau mæta á.  Þá verður tilkynnt um fermingardaga næsta árs og eins farið yfir hvað í fermingarfræðslunni felst.  Við prestarnir hlökkum til að kynnast nýjum hópi í fermingarfræðslunni.

Undir flipanum Fermingarstörfin má finna dagsetningar á fermingum næsta árs.

Samtal um sorg og áföll

Í maí verður boðið upp á samtal um sorg og áföll í Selfosskirkju. Samtalið samanstendur af fjórum samverum sem allar hefjast með stuttu erindi um sorg og áföll og síðan er boðið upp á samtal. Umsjón hafa Axel Árnason Njarðvík héraðsprestur og Guðbjörg Arnardóttir og Ninna Sif Svavarsdóttir prestar Selfossprestakalls. Athugið að samtalið er öllum opið, ekki aðeins sóknarbörnum í Selfossprestakalli. Komið er saman á baðstofuloftinu í Selfosskirkju fimmtudagana 4., 11., og 18.maí og þriðjudaginn 23.maí kl. 17.30 og stendur samveran í um klukkustund. Skráning fer fram hjá prestunum hjá axel.arnason@kirkjan.is, gudbjorg.arnardottir@kirkjan.is og ninnasif@gmail.com.

 

Blaðað í Biblíunni 2017

Fjóra þriðjudaga í marsmánuði 2017 verður blaðað í Biblíunni í Selfosskirkju.
Axel Á Njarðvík héraðsprestur leiðir samtal um Fake News og Good News (sem svo oft ber á góma), eða skröksögur og sannar sögur, fjórum lykilspurninginum svarað af Lúkasi guðspjallamanni.

Farið verður í afar ráhugaverða þætti Biblíunnar, um eðli textans, sögu hans og notkun. Í fjögur skipti koma þátttakendur sama að textum Biblíunnar til að lesa hann og hugleiða og fara síðan ríkari heim. Það hefst kl. 18:00 þriðjudaginn 7. mars og stendur yfir góða klukkustund.  Vinsamlega skráið ykkkur  með því að hringja skráningu í Axel  síma 856 1574. Þátttaka er ókeypis og verið velkomin.

Breyting: Blaðað í Biblíunni í nóvember

IMG_0005Enn eru lausir stólar fyrir fleiri.

Fjóra þriðjudaga í nóvemberrmánuði verður blaðað í Biblíunni í Selfosskirkju.
Axel Á Njarðvík héraðsprestur leiðir samtal um nokkra afaráhugaverða þætti bókarinnar, eðli textans, sögu hans og notkun. Í fjögur skipti koma þátttakendur sama að textum Biblíunnar til að lesa hann og hugleiða og fara síðan ríkari heim. Það hefst kl. 17:00 þriðjudaginn 1. nóvember og stendur yfir góða klukkustund. Vinsamlega skráið ykkkur  með því að hringja skráningu í Axel  síma 856 1574. Þátttaka er ókeypis og verið velkomin

Konur eru konum bestar – sjálfstyrkingarnámskeið í Selfosskirkju

 

Sjálfstyrkingarnámskeiðið Konur eru konum bestar verður haldið í Selfosskirkju þriðjudagana 30.ágúst og 6.september  kl. 19-22.

Námskeiðið miðar að því að byggja upp sjálfsmynd kvenna og skapa þeim vettvang til að kynnast sjálfum sér betur í góðu samfélagi við aðrar konur. Fjallað verður um mikilvægi þess að styðja hver við aðra og standa með sjálfri sér. Ýmsum spurningum er velt upp og sögur Biblíunnar eru notaðar til að varpa ljósi á viðfangsefnið.

Námskeið þetta hefur notið fádæma vinsælda innan kirkjunnar síðustu 20 árin. Það hefur verið haldið víðsvegar um landið, m.a. í Selfosskirkju sl. vetur og fjölmargar konur lýst ánægju sinni með það.  Þátttaka er konum að kostnaðarlausu, en skráning er nauðsynleg, annað hvort á ninnasif@gmail.com eða gudbjorg.arnardottir@kirkjan.is