Fjölskyldumessa 30. nóvember

Fjölskyldumessa verður í Selfosskirkju 30. nóvember (2014) kl. 11. Barna- og unglingakórinn syngja undir stjórn Editar og kirkjukórinn undir stjórn Jörgs og svo syngjum við hin með. 1. sunnudagur í aðventu er þennan dag og því verður kveikt á fyrsta ljósi aðventukransins. Nýtt kirkjuár hefst með þessum hætti. Fjórar (Díana, Þorgerður,Hrafnhildur og Jónína) úr æskulýðsfélaginu færa fram söngatriði sitt frá Landsmóti æskulýðsfélaga. Súpa í hádeginu og kaffi. Sr. Kristinn Ágúst Friðfinnsson, fyrrum sóknarprestur segir nokkur kveðjuorð til Selfosssafnaðar í lok messunnar.

Sunnudagur 23. nóvember

IMG_3290Messa og barnastarf kl. 11.  Séra Þorvaldur Karl Helgason predikar og þjónar fyrir altari. Kirkjukórinn syngur. Organisti er Jörg Sondermann.  Hugrún Kristín Helgadóttir, æskulýðsfulltrúi, sér um barnastarfið. Kaffisopi eftir messu og súpa gegn vægu gjaldi.

Breyting í Villingaholtssókn

Úr VillingaholtskirkjuÁ fundi sóknarnefndar Villingaholtssóknar 10. nóvember 2014í varð sú breyting á sóknarnefnd að Anna Fía Ólafsdóttir sem verið hefur formaður sóknarnefndar sagði af sér vegna flutnings úr hreppnum. Ákveðið var að Sólveig Þórðardóttir tæki að sér starfsskyldur sóknarnefndarmanns. Ennfremur var ákveðið að Sólveig tæki að sér pöntunum á kirkju vegna viðburða, sjái um bókhald vegna grafa og leiðbeini við val á grafreitum á samt því að panta grafara og skrá inn á gardur.is.

Þórunn Kristjánsdóttir tók að sér að sjá um þrif á kirkju og stjórna hitastigi.
Albert Sigurjónsson varamaður tekur að sér að mæla fyrir gröfum.

Meðhjálpari, Kristín Stefánsdóttir,  mun sjá um að flagga og opna kirkju ásamt sínum hefðbundnu störfum.

Þessi skipan mála mun verða fram að aðalsafnaðarfundi sem haldinn verður í vor.

Önnu Fíu vorðu færðar alúðarþakkir fyrir mikið og gott starf, en hún hefur alfarið séð um kirkju og kirkjugarð s.l. 4 ár.

Sjóðurinn góði á aðventunni-fjárhagsaðstoð fyrir jólin

Sjóðurinn góði er samstarfsverkefni sóknarkirkja í Árnessýslu, Rauða krossins, félagsþjónustu Árborgar, félagsþjónustu Árnesþings og ýmissa félagasamtaka í Árnessýslu. Þetta samstarf hefur staðið síðan árið 2008 og hefur þann tilgang að veita aðstoð fyrir jólahátíðina til handa þeim sem ekki eiga fyrir nauðþurftum. Síðustu ár hefur sjóðurinn einnig verið í samstarfi við Hjálparstofnun kirkjunnar varðandi þessa aðstoð.  Skipuleggjendur eru sammála um að mikil þörf sé fyrir aðstoð við þá sem glíma við fjárhagserfiðleika, sbr. nýlegar fréttir um fátækt barna á Íslandi.

Ákveðna daga verður hægt að sækja um fjárhagsaðstoð úr sjóðnum, í Selinu við Engjaveg 44.  Aðstoðin er í formi korta sem eingöngu er hægt að nýta í matvöruverslunum í Árnessýslu. Umsækjandi þarf að skila gögnum um tekjur og útgjöld fyrir sig og maka.

Úthlutað verður á sama stað í Selinu við Engjaveg 44 og fá umsækjendur upplýsingar um þá þegar sótt er um.

Mikilvægt er að umsækjendur virði ofangreinda umsóknardaga.

Vilji einhver leggja Sjóðnum góða lið þá eru öll framlög vel þegin. Reikningsnúmer sjóðins er: 325-13-301169, kennitala 5602692269. Þessi reikningur er í vörslu Selfosssóknar og lýtur sama hætti og aðrir reikningar sóknarinnar.

Selfosskirkjan 9. nóv kl. 11

IMG_5840Kom til messu í Selfosskirkju sunnudaginn 9. nóvember kl. 11. Prestar sr. Þorvaldur Karl Helgason og sr. Axel Á Njarðvík. Kirkjukór Selfoss leiðir söng. Organisti Jörg Sondermann. Þessi sunnudagur er kristniboðsdagurinn. Við minnumst látinna í bæn og kveikjum á kertum. Barnastarf á sama tíma. Súpa í hádeginu.

Steinunn rithöfundur og sr. Hallgrímur Pétursson

af visir.is

Steinunn Jóhannesdóttir af visir.is

Fimmtudagskvöldið 6. nóvember kl. 20 verður Sálmafoss í kirkjunni í tilefni 400 ára afmælið Hallgríms Péturssonar. Steinunn Jóhannesdóttir flytur stutt erindi um  bernsku Hallgríms og þær aðstæður sem hann ólst upp við í faðmi stórrar fjölskyldu fyrir tæplega fjögur hundruð árumum. Kór Selfosskirkju syngjur milli erinda texta úr skáldskap Hallgríms. Aðgangur er ókeypis.

 

Söfnun fermingarbarna 5. nóv.

VatnHelpÍ samstarfi við Hjálparstarf kirkjunnar, sem okkar kirkja stendur að, höfum við skipulagt söfnun fermingarbarna í sókninni okkar miðvikudaginn 5. nóvember . kl. 17:00 – 19:00.

Meðal þess sem fermingarbörnin fá að kynnast í vetur er þróunar- og hjálparstarf á vegum kirkjunnar í landinu, þar á meðal kirkjunnar okkar. Við njótum samstarfs við starfsfólk Hjálparstarfs kirkjunnar sem hefur útbúið efnið sem við notum, myndir og upplýsingar um líf munaðarlausra barna í Úganda í Afríku. Fermingarbörnin fá að kynnast erfiðleikum sem þau glíma við og við munum ræða ábyrgð okkar á því að allir jarðarbúar fái lifað mannsæmandi lífi. Síðan er ætlunin að fermingarbörnin gangi í hús og safni framlögum til verkefna sem kynnt hafa verið. Mörg hafa reynslu af því að ganga í hús úr íþrótta- og félagsstarfi. Fyrir söfnunina fá þau leiðbeiningar frá okkur um framkomu, öryggi og að gleyma ekki að vera vel klædd. Þau fara alltaf tvö og tvö saman. Ykkur foreldrum er velkomið að ganga með þeim og við þiggjum gjarnan aðstoð við að koma þeim af stað með baukana og taka á móti þeim aftur hér í kirkjunni. Það væri vel þegið.

 

Við teljum að með verkefninu gefist tækifæri til að fræða fermingarbörnin um boðskap Krists á áþreifanlegan hátt. Með því skapast einnig mótvægi við síbylju neikvæðra frétta og tækifæri til að skynja að öll getum við lagt eitthvað af mörkum. Á unglingsárum þegar skilningur vex og ungt fólk er að móta sér lífsstíl er mikilvægt að fá að setja sig í samhengi við aðra í heiminum og skynja kraft sinn til þess að breyta rétt og hafa áhrif. Um leið metum við meira þá gæfu sem við njótum hér á Íslandi.

 

Verkefni þetta var fyrst unnið fyrir fimmtán árum og gafst mjög vel. Fermingarbörn í fleiri en 60 sóknum um land allt taka þátt nú. Við vonum að þið takið undir með okkur í þessu, ræðið við og hvetjið börnin ykkar.