Minnispunktar

Fermingarfræðsla í Árborgarprestakalli 2023-2024

Hér er Facebook síða fyrir fermingarfræðsluna, endilega bætið ykkur í hópinn:

Fermingarfræðsla Árborgarprestakalls 2023-2024 | Facebook

Upphaf fermingarfræðslunnar 21. og 22. ágúst

Samhristingur, pylsupartý, leikir og fræðsla. Allur hópurinn hittist í Selfosskirkju og við komum okkur í gírinn.

Almennt fyrirkomulag yfir vetrartímann
Fermingarfræðslan fer almennt fram aðra hverja viku. Fræðslan verður hópaskipt og fer fram annan hvern miðvikudag og fimmtudag í Selfosskirkju. Fyrri hópurinn mætir kl. 15 og seinni hópurinn kl. 16:15. Hópaskipting verður auglýst í lok sumars. Fermingarbörn annars staðar frá en Selfossi munu fá sína eigin fræðslusamverur sem verða auglýstar nánar í lok sumars.

Gert er ráð fyrir því tíminn nýtist vel, að mæting verði góð og að foreldrar styðji við börnin sín í því að sinna fermingarfræðslunni sinni. Ekki er hægt að taka tillit til tómstunda og íþróttaiðkunar yfir hundrað fermingarbarna.

Markmið fermingarfræðslunnar
Markmið okkar í vetur er að bjóða upp á gefandi og skemmtilegan tíma í kirkjunni sem skilur eftir sig góðar minningar.

Fyrir utan hinn eiginlega fræðsluhluta, sem verður fyrst og fremst í samtalsformi, munum við einnig fá góða gesti til okkar sem munu halda áhugaverða fyrirlestra á fræðslukvöldum ætluð fermingarbörnunum og foreldrum þeirra. Einnig verður skemmtileg gistinótt í kirkjunni fyrir jól með kvöldvöku, góðum mat og skemmtilegri dagskrá ásamt ýmsu öðru.

Messur og annað
Meðfram fermingarfræðslunni sækja fermingarbörnin 10 messur yfir vetrartímann. Það er góð leið til þess að upplifa og kynnast kirkjunni sem lifandi samfélagi fólks.

Engin próf eru haldin í tengslum við fermingarfræðsluna. Gert er ráð fyrir því að á fræðslutímanum læri börnin trúarjátninguna utan að sem og faðir vor, tvöfalda kærleiksboðorðið og gullnu regluna. Einnig velja þau sér ritningarvers fyrir fermingarathöfnina sína.

Fræðsluefni
Allt efni sem notað er í fræðslunni fá börnin í kirkjunni. Einnig munum við styðjast við efni á netinu.

Fræðslugjald
Fermingarfræðslugjald er 23.388.- og kemur greiðsluseðill í heimabanka í september.

Upplýsingagjöf og facebook hópur
Foreldrum verður haldið upplýstum jöfnum höndum og sendur verður reglulega út tölvupóstur til að minna á fræðslusamverur og annað sem lýtur að fermingarfræðslunni.

Búið er að stofan facebook hópinn Fermingarfræðsla Árborgarprestakalls 2023-2024 sem hægt er að skrá sig inn á. Þar munum við einnig miðla upplýsingum og hægt er að senda fyrirspurnir og annað þar í gegn.