Veðurviðvörun fyrir Suðurland á morgun, gamlársdag, er orðin appelsínugul og gildir fram eftir deginum. Vegna vondrar veðurspár og fyrirsjáanlegrar ófærðar er messan sem átti að vera kl. 17 í Selfosskirkju felld niður.
Við óskum öllum friðar og farsældar á komandi ári.
Félagsvistin sem átti að vera í dag, þriðjudaginn 27. desember, fellur niður vegna veikinda. Við biðjumst velvirðingar á þeim óþægindum sem þetta kann að valda.
Jólamessum sem vera áttu í dag í Gaulverjabæjarkirkju, Hraungerðiskirkju og Laugardælakirkju í er aflýst vegna veðurs og ófærðar.
Ég sneri við á leiðinni á Selfoss kl. 22:21 enda ekkert vit í að halda áfram niður Skeið eftir alla ófærðina sem runnið var í gegnum . Vindur fór vaxndi þær 20 mín sem eknar voru gegnum og snjór mikill. Var þó á jeppanum. Megi jólanóttin færa ykkur frið og fegurð í hjarta. Kveðja Axel prestur
Aðfangadagur 24. desember
Selfosskirkja – Aftansöngur kl. 18:00
Stokkseyrarkirkja – Aftansöngur kl. 18:00
Eyrarbakkakirkja – Miðnæturguðsþjónusta kl. 23:30
Selfosskirkja – Miðnæturguðsþjónusta kl. 23:30
Jóladagur 25. desember
Hraungerðiskirkja – Hátíðarguðsþjónusta kl. 11:00
Laugardælakirkja – Hátíðarguðsþjónusta kl. 13:00
Gaulverjabæjarkirka – Hátíðarguðsþjónusta kl. 15:00
Annar dagur jóla 26. desember
Villingaholtskirkja – Hátíðarguðsþjónusta kl. 11:00
Ljósheimar – Helgistund kl. 13
Móberg – Helgistund kl. 14
Gamlársdagur 31. desember
Selfosskirkja – Guðsþjónusta kl. 17:00
Guð gefi öllum gleðilegra og friðsæla jólahátíð og farsælt komandi ár.
Fyrirhugað samtal um sorg og áföll sem vera átti í dag 19. desember fellur niður. Nýtt samtal verður hafið á nýju ári.
Sunnudagsmessan og sunnudagsskólinn í Selfosskirkju fellur niður í dag sunnudaginn 18. desember 2022 vegna ófærðar og óveðurs. Rúv 1 útvarpar guðsþjónustu kl. 11 og vert að opna fyrir þá útsendingu og dvelja með.
Verið velkomin til kirkjunnar.
Sumir hafa velt vöngum yfir appelsínugula fánanum sem blaktir við hún á fánastöng kirkjunnar.
Soroptimistasamband Evrópu hefur síðan 2009 hvatt borgir til að lýsa upp aðalbyggingar sínar með appelsínugulum, roðagylltum lit. Með því móti er vakin athygli á ofbeldi gegn konum.
– 35 prósent allra kvenna í heiminum munu upplifa ofbeldi. Á sumum svæðum allt að 7 af hverjum 10 konum.
– Meira en 600 milljónir kvenna búa í löndum þar sem heimilisofbeldi er ekki bannað.
– Allt að 50 prósent alls kynferðisofbeldis á sér stað gagnvart stúlkum undir 16 ára aldri.
– 250 milljónir kvenna í dag voru giftar áður en þær urðu 15 ára.
– 200 milljónir kvenna í dag hafa verið beittar kynferðislegu ofbeldi.
Ofbeldi gegn konum er aldrei einkamál heldur samfélagslegt vandamál sem
hefur áhrif á milljónir kvenna og enn fleiri milljónir barna.
Selfosskirkja tekur þátt í átakinu með því að flagga appelsínugulum fána
frá 25. nóvember til 10. desembers 2022.
Örnámskeið í söng og tónlist fyrir börn fædd 2017.
Námskeiðið er aðeins þrjú skipti og er börnunum að kostnaðarlausu.
Þið getið skráð börnin eða fengið frekari upplýsingar hjá Edit organistanum okkar, í gegnum netfangið edit@simnet.is
