Nú fer hver að verða síðastur að útbúa kassa fyrir Jól í skókassa. Síðasti skiladagurinn hjá okkur í Selfosskirkju er fimmtudagurinn 2. nóvember, milli 13:00 og 16:00.
Þau sem það kjósa geta keypt tilbúinn pappakassa sem þarf ekki að pakka inn. Gengið er frá kaupunum á https://klik.is og kassinn sóttur til okkar í Selfosskirkju.
Frekari upplýsingar um verkefnið er að finna inni á heimasíðunni kfum.is/skokassar
Föstudaginn 27. október verður skuggaleg stemming í kirkjunni. Þá ætlum við að gera okkur glaðan dag með pizzaparty og skemmtilegum leikjum. Við verðum með tvær kvöldvökur, fyrir krakka í 1. – 4. bekk frá 17:00-18:30 og fyrir krakka í 5. – 7. bekk frá 19:00-21:00. Þátttaka kostar 1000 kr, innifalið í því er pizzaveisla og glaðningur.
Skráning hér: https://forms.gle/4dZbTW2a2Cm2pLcXA
Messa verður sunnudaginn 22. október kl. 11:00.
Kirkjukórinn syngur undir stjórn Edit A. Molnár, prestur Guðbjörg Arnardóttir.
Sunnudagaskóli á sama tíma kl. 11:00, umsjón, Sjöfn, Dóra og Katrín.
Velkomin til kirkjunnar okkar
Sjáumst hress í næstu viku!
Sunnudagaskóli klukkan 11 í umsjá Sjafnar og leiðtoganna. Öll eru innilega velkomin!
Bleik kvöldmessa verður í Selfosskirkju klukkan 20. Sérstakur gestur er Bryndís Guðmundsdóttir sem leiðir okkur á sinn jákvæða máta í gegnum það að greinast og vinna í gegnum krabbamein og einnig um það starf sem fram fer á vettvangi bleiku slaufunnar. Séra Ása Björk þjónar. Ester og kirkjukórinn leiða sönginn. Öll eru velkomin og ekki skemmir fyrir ef þið eigið eitthvað bleikt til að klæðast eða hafa með <3
.
Vegna veikinda starfsfólks falla morgunbænir niður miðvikudaginn 11. október og fimmtudaginn 12. október.
Sömuleiðis falla foreldramorgnar niður miðvikudaginn 11. október.
Nú í október fer að stað fræðsla og samtal um sorg og sorgarviðbrögð í Selfosskirkju. Það gerir mörgum gott sem gengið hafa í gegnum sorg eða önnur áföll að hitta aðra sem staðið hafa í sömu sporum. Við byrjum samverurnar á opnum fyrirlestri sem verður í Safnaðarheimili Selfosskirkju miðvikudaginn 18. október kl. 20:00. Til okkar kemur Jóhanna María Eyjólfsdóttir sem er fagstjóri hjá Sorgarmiðstöðinni. Viku síðar förum við af stað með samtalshópa og í hópnum gefst þátttakendum færi á að ræða í einlægni og trúnaði um líðan sína, deila reynslu sinni og hlusta á aðra.
Umsjón með hópunum hefur Guðbjörg Arnardóttir, hægt að fá nánari upplýsingar í gegnum gudbjorg.arnardottir@kirkjan.is . Dagsetningar fyrir samtalshópana eru: 25. október kl. 18:00, 2. nóvember kl. 18:00 (ath fimmtudagur), 8. nóvember kl. 18:00, 15. nóvember kl. 18:00 og 22. nóvember kl. 18:00.
Fyrirlesturinn og samtalið er öllum opinn óháð búsetu og styrkt af Hérðassjóði Suðurprófastdæmis
Fjölskylduguðsþjónusta verður í Selfosskirkju sunnudaginn 1. október kl. 11:00.
Dúkku- og bangsablessun, krakkar hvött til að koma með dúkkuna sína eða bangsann.
Barna- og Unglingakórinn syngur og leiðir söng. Hefðbundinn sunnudagaskóli fellur niður.
Eftir athöfnina verður boðið upp á hressingu og útifata-skiptimarkaður verður í Safnaðarheimilinu milli kl. 12-14.
