1. Fundur Sóknarnefndar Selfosskirkju haldinn þriðjudaginn 23. mars. 2021 kl. 17.30
Mætt voru: Björn Ingi Gíslason, Guðmundur Búason, Þórður G. Árnason, Páll Björgvin Ingimarsson, Guðrún Guðbjartsdóttir, Jóhann Snorri Bjarnason, Örn Grétarsson , sr. Guðbjörg Arnardóttir og Guðrún Tryggvadóttir sem ritaði fundinn.
Dagskrá.
- Fundur settur.
Björn Ingi setti fundinn.
- Verkaskipting stjórnar.
Björn Ingi Gíslason formaður, Guðmundur Búason gjaldkeri, Guðrún Tryggvadóttir ritari, Þórður G. Árnason 1. varaformaður, Fjóla Kristinsdóttir 2. varaformaður. Meðstjórnendur: Guðrún Guðbjartsdóttir, Jóhann S. Bjarnason, Páll B. Ingimarsson og Guðmundur Björgvin Gylfason.
Sr.Guðbjörg dró varamenn.
Varastjórn: Eyjólfur Sturlaugsson 3.varaformaður, Örn Grétarsson, Petra Siguðardóttir, Sigurður Jónsson, Elínborg Gunnarsdóttir, Ragna Gunnarsdóttir, Sigurbjörn Kjartansson, Sigurlín Guðný Ingvarsdóttir, Margrét Óskarsdóttir.
Þórður G. Árnason verður áfram safnaðarfulltrúi.
Hugrún umsjónamaður safnaðarheimilis er flutt frá Selfossi, því þarf að finna annan einstakling í það starf.
Fundartími verður óbreyttur, 4. þriðjudag í mánuði kl. 17:30.
- Samþykkt aðalsafnaðarfundar 2021.
Aðeins einn aðili sýndi áhuga á að taka verkið að sér að skipta um þak á safnaðarheimilinu. Guðmundur og Jóhann ætla fyrir hönd sóknarnefndar að ganga frá samningum við viðkomandi.
- Starfið framundan.
Ekki verður boðið upp á kaffi eftir messu á páskadagsmorgun vegna Covid annað árið í röð.
Messuhald og athafnir í kirkjunni eru erfiðar vegna Covid.
Með vorinu þarf að halda fund með öllum sóknarnefndum í nýju sameinuðu prestakalli.
- Önnur mál.
Númera þarf hvern bekk ef fleiri en 50 eru mættir í athöfn.
Tiltektardagur verður 24. apríl kl. 10 til 14 með vonandi hópi af fólki, veitingar verða í hádeginu og athuga þarf með gám til að setja í garðafganga.
- Fundargerð upplesin.
Fundi slitið kl 18:55
Fundaritari Guðrún Tryggvadóttir
Aðalsafnaðarfundur Selfosssóknar 2021
fyrir starfsárið 2020
Haldinn í safnaðarheimili Selfosskirkju miðvikudaginn 10. mars kl. 17.30
18 voru mættir á fundinn.
- Fundur settur af formanni
Björn Ingi setti fundinn
- Starfsmenn fundarins skipaðir.
Formaður lagði til að Fjóla Kristinsdóttir yrði fundarstjóri og ritari Guðrún Tryggvadóttir og var það samþykkt.
- Gerð grein fyrir starfsemi og rekstri sl. ár.
Formaður, prestar, æskulýðsfulltrúi, kórstjóri og formaður kirkjukórs fóru yfir starf síðasta árs.
Björn Ingi formaður las skýslu sóknarnefndar:
Síðasta talning …… var að 76% íbúar Selfoss eru í Þjóðkirkjunni
Sr. Guðbjörg las skýslu sóknarprests
Sr. Guðbjörg flutti einnig ör-starfsskýslu yfir æskulýðs-og fræðslumál
Skýsla Editar A Molnar kórstjóra lá fyrir prentuð.
Unglingakór Selfosskirkju
Stjórnandi: Edit A. Molnár
Barnakór Selfosskirkju
Stjórnendur: Edit A. Molnár og Kolbrún Berglind Grétarsdóttir
Starfið í Selfosskirkju hefur verið óvenjulegt frá því í mars 2020. Eftir nauðsynlegt hlé var haldin Krossamessa í maí þar sem við kvöddum kórfélaganna í 10. bekk í Unglingakórnum.
Við hófum svo starfið á kórnámskeiði með Kolbrúnu Berglindi Grétarsdóttur, tónlistarkennara, eftir sumarleyfi . 54 krakkar tóku þátt.
Barna- og Unglingakórarnir hófu æfingar í haust, en neyddust svo til að fresta hefðbundnum verkefnum þar til í desember. Kórarnir tóku þátt í bænastundum um aðventuna í gegnum streymi, og svo var jólamessan tekin upp. Í febrúar var haldinu æfingahelgi í Selfosskirkju.
Barnakórinn söng á fjölskylduguðþjónustu 7. mars.
Kórarnir tveir halda tónleika með Eyjólfi Eyjólfsyni í Selfosskirkju 14. mars. Meginstef tónleikanna er íslensk þjóðlagatónlist. Eyjólfur Eyjólfsson, söngvari, hefur sinnt Unglingakórnum frá því í janúar, og kennt krökkunum reglulega að spila á langspil. Tónleikarnir eru styrktir af SASS (Samtök sunnlennska svetarfélaga)
Okkur tókst að halda uppi skemmtilegu starfi á erfiðum tímum. Við æfðum þegar það var heimilt, buðum upp á skemmtilega viðburði og sungum á messum þegar það var hægt.
Síðustu mánuði hefur staðið yfir upptaka á heimildarmynd á kóræfingum. Fyrir heimildarmyndinni stendur Anna Dalmay sem hefur nýlega lokið námi í heimildarmyndargerð í Prag. Í heimildarmyndinni er sjónum einkum beint að áhrifum tónlistar og kórasöngs.
Skýsla Jóhanns Snorra Bjarnasonar formanns kirkjukórsins lá fyrir prentuð.
Líkt og hjá öðrum hópum, var starf Kirkjukórs Selfosskirkju árið 2020 óhefðbundið og mjög frábrugðið öðrum starfsárum kórsins. Skömmu eftir síðasta aðalsafnaðarfund komu til framkvæmda þær hömlur og lokanir vegna Covid 19 sem þjóðin öll þekkir. Frá mars til september var nær engin starfsemi hjá kirkjunni og ekki hjá kórnum heldur. Messur féllu alveg niður og fermingarmessum sem vera áttu á vormánuðum var öllum frestað. Útfarir urðu einnig með öðru sniði í kjölfar fjöldatakmarkana og sjaldan rými fyrir kór við þær athafnir.
Í lok sumars voru samkomureglur rýmri og gátu kóræfingar hafist. Æfingarnar voru haldnar í kirkjunni til að geta setið dreift og passað var upp á fjarlægðir milli kórfélaga. Í lok september voru takmarkanir aftur hertar og lögðust þessar þá æfingar af og hafa enn ekki verið teknar upp aftur. Aðventustund og hefðbundnar jólamessur féllu líka niður í vetur. Selfosskirkja ásamt kirkjunum í kring, Hveragerðis- og Þorlákskirkju, tóku sig saman og tóku upp messur fyrir jólin. Í hlut Selfosskirkju kom messan á Jóladag og kom þá hluti kórfélaga saman og söng við þá upptöku. Athöfnunum var svo streymt á facebook-síðum kirknanna um jólin.
Þar sem slakað hefur verið nokkuð á sóttvarnaraðgerðum undanfarið, standa vonir til þess að kóræfingar geti hafist á næstunni og að kórstarfið verði komið í eðlilegt horf næsta sumar. Framundan eru fermingar og páskamessur sem vonandi tekst að halda á tilsettum tíma í vor þær verði eflaust með öðrum og látlausari hætti en vant er.
Mætingar hjá kirkjukórnum frá aðalsafnaðarfundi 2020:
Messur 18
Útfarir 11
Æfingar 8
- Endurskoðaðir reikningar sóknar og kirkjugarðs.
Guðmundur Búason gjaldkeri gerði grein fyrir reikningum Selfosskirkju, Hjálparsjóðs Selfosskirkju og Kirkjugarðs Selfoss. Allir reikningar voru samþykktir samhljóða
| Selfosskirkja Rekstrarreikningur | Tekjur | Gjöld | Tekjuafgangur |
| 61.100.558 | 51.057.919 | 10.042.639 | |
| Efnahagsreikningur | Fastafjármunir | Veltufjármunir | Skuldir og eigið fé |
| 478.891.660 | 32.576.100 | 511.467.760 | |
| Kirkjugarður Rekstrarreikningur | Tekjur | Gjöld | Tekjuafgangur |
| 12.460.936 | 11.058.876 | 1.402.060 | |
| Efnahagsreikningur | Eigið fé | Veltufjármunir | Skuldir og eigið fé |
| 9.279.973 | 11.086.008 | 11.086.008 | |
| Hjálparsjóður Selfosskirkju | Tekjur | Gjöld | Tekjuafgangur |
| 0 | 564.531 | -564.531 | |
| Efnahagsreikningur | Eigið fé | Veltufjármunir | Skuldir og eigið fé |
| 3.526.895 | 3.526.895 | 3.526.895 |
- Starfsemi héraðsnefndar og héraðsfundir.
Vegna Covid -19 var ekki haldinn fundur sem vera átti í Skálholti. Stefnt er að fundi 2. okt nk.
- Ákvörðun um framtíðarskuldbindingar og fjárhagsáætlun fyrir árið 2021.
Guðmundur Búason gjaldkeri fór yfir rekstraráætlun Selfosskirkju, Hjálparsjóðs Selfosskirkju og Kirkjugarðs Selfoss. Allar fjárhagsáætlanir voru samþykktar
Bera þarf undir aðalsafnaðarfund ef veruleg útgjöld þarf að fara í. Núna er komið að því að skipta þarf um járn á safnaðarheimilinu. Guðmundur Búason lagði fram tillögu fyrir hönd sóknarnefndar um að ráðast í að endurnýja járn á safnaðarheimili sem var samþykkt.
- Kosning sóknarnefndar og varamanna til 4ra ára.
Fjögur voru að klára sín sitt fjögurra ára kjörtímabil, þrjú gáfu kost á sér til endurkjörs þau Fjóla Kristinsdóttir, Jóhann Bjarnason og Guðrún Tryggvadóttir. Petra Sigurðardóttir gaf ekki kost á að vera áfram aðalmaður en er til í að vera varamaður. Í hennar stað gaf Guðmundur Björgvin Gylfason kost á sér og voru þau fjögur kosin aðalmenn til fjögurra ára. Eyjólfur Sturlaugsson og Örn Grétarsson gáfu kost á sér áfram sem varamenn en Hjörtur Þórarinsson og Sigurður Sigurjónsson vildu ekki vera áfram og var þeim þakkað fyrir þeirra störf. Petra Sigurðardóttir og Elínborg Gunnarsdóttir gáfu kost á sér sem varamenn. Eyjólfur, Örn, Petra og Elínborg voru öll eru kosin varamenn til fjögurra ára. Á fundinum tilkynnti Erla Guðrún Kristjánsdóttir sem verið hefur varamaður sl. 2 ár að hún vildi hætta, inn sem varamaður til tveggja ára í hennar stað var kosinn Sigurbjörn Kjartansson.
- Kosning tveggja skoðunarmanna og tveggja til vara.
Skoðunarmenn voru kosin þau Kristín Pétursdóttir og Guðmundur Theodórsson og til vara Leifur Guðmundsson og Sigríður Erlingsdóttir.
- Kosning í aðrar nefndir og ráð.
Engin kosning, Kjörnefnd er sú sama og verið hefur.
- Önnur mál.
Sigurbjörn Kjartansson spurði hvernig staðan væri á nýja kirkjugarðinum. Björn svaraði að endurskoðun stendur yfir á aðalskipulagi Árborgar og þar er til skoðunar hvar kirkjugarðurinn á að vera
Hann spurði í hverju kostnaðurinn á leiðalýsingu lægi og Guðmundur svaraði að verulegur beinn kostnaður væri af lýsingunni, gróði er ekki af þessu.
Einnig spurði hann um sláttinn á kirkjugarðinum. Björn sagði að endurskoðun sé alltaf á hverju ári með að lækka kostnað við sláttinn. Guðmundur sagði að nauðsynlegt sé að endurskoða þennan kostnað
Þá spurði hann um hvort aldrei hafi komið upp sú hugmynd að setja upp barnhelda girðingu við ána. Björn sagði frá umræðu sem var fyrir 40 árum þar sem ákvörðun að tekin að foreldrar ættu að brýna fyrir börnum að áin sé hættuleg. Gott að fá ábendingar.
Björn þakkaði þeim einstaklingum sem gáfu ekki kost á sér áfram fyrir þeirra störf í þágu Selfosskirkju.
- Fundi slitið.
Björn sleit fundi kl 19:00
Guðrún Tryggvadóttir, fundarritari.
6. Fundur Sóknarnefndar Selfosskirkju haldinn þriðjudaginn 23. feb. 2021. kl. 17.30
Mætt voru: Björn Ingi Gíslason, Guðmundur Búason, Þórður G. Árnason, Páll B. Ingimarsson , Jóhann Snorri Bjarnason, Petra Sigurðardóttir, Eyjólfur Sturlaugsson, sr. Guðbjörg Arnardóttir og Guðrún Tryggvadóttir sem ritaði fundinn
Dagskrá.
1. Fundur settur. Björn setti fundinn.
2. Aðalsafnaðarfundur 10. mars. Fundurinn verður haldinn miðvikudaginn 10. mars kl. 17:30. Boðið verður upp á kaffi og konfekt á fundinum. Reikningar hafa verið samþykktir. Guðmundur og Þórður ætla að fara í að fá tilboð í framkvæmdir við skiptingu á járni á þaki safnaðarheimilisins.
3. Stjórnarkjör 4 + 4.
Þrír af fjórum sem hafa verið í aðalstjórn ætla að gefa kost á sér aftur í fjögur ár. Einn varamaður hefur gefið kost á sér áfram, eftir er að heyra í hinum þremur.
4. Starfið framundan.
Sóknarnefndarfundur verður haldin 23. mars með nýrri sóknarnefnd.
Fermingarmessur verða eins og þær voru fyrir Covid.
Stefnt er á tónleika hjá unglingakórnum 14. mars
5. Önnur mál.
25.mars eru 65 ár síðan kirkjan var vígð, rætt var hvort koma ætti upp söguskilti við kirkjuna, eins og eru víða á Selfossi.
Kirkjuráð sendi bréf til presta og sóknarnefndar um úttektir á aðgengi fatlaðra og hreyfihamlaðara að kirkjum og safnaðarheimilum. Sóknarnefnd telur að Selfosskirkja uppfylli allar þær kröfur sem þarf.
Fundi slitið kl 18:50
Fundaritari Guðrún Tryggvadótt
5. Fundur Sóknarnefndar Selfosskirkju haldinn þriðjudaginn 26. jan. 2021. kl. 17.30
Mætt voru: Björn Ingi Gíslason, Guðmundur Búason, Þórður G. Árnason, Guðrún Guðbjartsdóttir, Jóhann Snorri Bjarnason, Petra Sigurðardóttir, sr. Guðbjörg Arnardóttir, sr. Gunnar Jóhannesson og Guðrún Tryggvadóttir sem ritaði fundinn .
Dagskrá.
1. Fundur settur. Björn Ingi setti fundinn
2. Ráðning æskulýðsfulltrúa staðfest.
Tveir einstaklingar sóttu um starfið, bæði voru tekin í viðtal. Sjöfn Þórarinsdóttir var ráðin og hefur hún hafið störf.
3. Ákvörðun um Aðalsafnaðarfund.
Stefnum á að hafa aðalsafnaðarfund 3. mars ef samkomutakmarkanir leyfa.
4. Tiltektardagur í vor, tillaga.
24. apríl ætlum við að endurtaka tiltektardag sóknarnefndar. Klippa á alla runna, hreinsa beð og bjóða upp á veitingar.
5. Önnur mál.
Guðmundur kynnti fyrir okkur drög að ársreikningum 2020 fyrir kirkjuna, hjálparsjóð Selfosskirkju og kirkjugarðinn.
Þórður hefur skoðað kostnað við að skipta um járn á þak á safnaðarheimilinu og einnig á turninum. Þórður og Guðmundur ætla að fara í að ræða við verktaka um að gera þetta á þessu ári.
6. Fundargerð lesin. Fundi slitið kl 19:10. Fundaritari Guðrún Tryggvadóttir
