Í sumar höfum við verið að flakka á milli kirknanna okkar í Árborgarprestakalli og nú er komið að sumarmessu í Villingaholtskirkju sem verður sunnudaginn 7. júlí kl. 14:00. Það er fallegt að taka rúnt um sveitina og koma við í messu. Það verður almennur safnaðarsöngur, Guðmundur Eiríksson leikur undir og prestur verður Guðbjörg Arnardóttir.
Sunnudaginn 23. júní kl. 14:00 verður messa prestakallsins í Eyrarbakkakirkju.
Kammerkór Eyrarbakkakirkju syngur, organisti Pétur Nói Stefánsson, prestur Guðbjörg Arnardóttir.
Sunnudagurinn 2. júní er sjómannadagur og í Árborgarprestakalli er hefðbundið helgihald í kirkjunum á Stokkseyri og Eyrarbakka og í Selfosskirkju verður kvöldmessa.
Stokkseyrarkirkja
Guðsþjónusta í Stokkseyrarkirkja á sjómannadag 2. júní kl. 11:00, blómsveigur lagður við minnisvarða eftir guðsþjónustuna. Kirkjukórinn syngur, organisti Haukur Arnarr Gíslason, prestur Guðbjörg Arnardóttir.
Eyrarbakkakirkja
Guðsþjónusta í Eyrarbakkakirkju á sjómanndag 2. júní kl. 14:00, blómsveigur lagður við minnisvarða eftir guðsþjónustuna. Kammerkór Eyrarbakkakirkju syngur, organisti Pétur Nói Stefánsson, prestur Guðbjörg Arnardóttir.
Selfosskirkja
Kvöldmessa sunnudaginn 2. júní kl. 20:00. Kirkjukórinn syngur og hitar upp fyrir kórferðalag sem er framundan, fallegur kórsöngur undir yfirskriftinni: ,,Söngur fyrir Króatíu.” Organisti Edit A. Molnár, prestur Guðbjörg Arnardóttir.
Nú hefur verið út helgihaldið í sumar í Árborgarprestakalli og er það með fjölbreyttum hætti.
Fundur fyrir verðandi fermingarbörn vorsins 2025.
Við bjóðum ykkur velkomin á kynningarfund í Selfosskirkju miðvikudaginn 29. maí kl. 18:00. Fundurinn er fyrir verðandi fermingarbörn í Árborgarprestakalli, undir það heyra kirkjurnar í Árborg og Flóahreppi. Á fundinum verður farið yfir skipulag fermingarfræðslunnar og ýmislegt annað fyrir næsta vetur. Verið velkomin til fundarins og kynna ykkur starfið. Við viljum einnig benda á að inn á selfosskirkja.is undir fermingarstörfin er að finna upplýsingar um væntanlega fermingardaga og þar er hlekkur til að skrá barn í fræðsluna. Við hlökkum mikið til þess að kynnast nýjum hópi fermingarbarna og eiga samfélag með ykkur öllum næsta vetur. Velkomið að taka væntanlegt fermingarbarn með á fundinn en ekki nauðsynlegt.
Ef það eru einhverjar spurningar þá endilega hafið samband við okkur prestana í tölvupósti eða síma, upplýsingar um það má finna inn á selfosskirkja.is
Kær kveðja
Guðbjörg, Gunnar og Ása Björk
Hlekkur til að skrá í fermingarfræðslu:
Selfosskirkja
Hátíðarmessa á hvítasunnudag kl. 11:00. Kirkjukórinn syngur, organisti Edit A. Molnár, einsöng syngur Gunnlaugur Bjarnason, prestur Gunnar Jóhannesson.
Sunnudagaskóli á sama tíma kl. 11:00, umsjón Sjöfn, Dóra og Katrín.
Hraungerðiskirkja
Fermingarmessa á hvítasunnudag kl. 13:30. Kirkjukórinn syngur, organisti Guðmundur Eiríksson, prestur Gunnar Jóhannesson.
Gaulverjabæjarkirkja
Hátíðarmessa á hvítasunnudag kl. 14:00. Kirkjukórinn syngur, organisti Haukur Arnarr Gíslason, prestur Ása Björk Ólafsdóttir
Villingaholtskirkja
Fermingarmessa á annan hvítasunnudag kl. 13:30. Kirkjukórinn syngur, organisti Guðmundur Eiríksson, prestur Guðbjörg Arnardóttir.
Sunnudaginn 12. maí verður sunnudagaskólinn á sínum stað kl. 11:00.
Fermingarmessa verður í Eyrarbakkakirkju kl. 11:00.
Kvöldmessa verður svo í Selfosskirkju kl. 20:00. Unglingakórinn syngur og Kirkjukórinn leiðir safnaðarsöng. Organisti Edit A. Molnár. Helga Aðalheiður Jónsdóttir spilar á blokkflautu. Harpa Rós Björgvinsdóttir djáknanemi flytur hugleiðingu. Falleg stund á mæðradegi.
Á sunnudaginn sl. var frumsýnd á RUV heimildarmynd frá 2021. Heimildarmyndin er eftir Önnu Edit Dalmay og fjallar um hvernig söngur í kór getur haft langvarandi jákvæð áhrif á börn og unglinga. Rætt er við núverandi og fyrrverandi félaga í barna- og unglingakórum Selfosskirkju um hvernig kórsöngurinn hefur mótað þau. Við í Selfosskirkju erum sannarlega stolt af kórastarfinu okkar og því mikilvæga uppeldishlutverki sem það gegnir. Við erum þakklát fyrir þau sem koma að starfinu og gaman að sjá afrakstur þess í myndinni. Myndin verður endursýnd á uppstigninardag en að sjálfsögðu hægt að nálgast hana á efnisveitu RUV og hvetjum við sem flesti til þess að horfa á myndina og njóta hennar.
Laugardaginn 27. apríl nk. frá kl. 10:00-14:00 er árlegur hreinsunardagur Selfosskirkju. Undanfarin ár hefur sá háttur verið hafður á að efna til hreinsunar og tiltektar í kirkjugarði og á lóð kirkjunnar. Það er ánægjulegt að sjá fólk koma og taka þátt í þessu verkefni og hreinsa leiði ástvina í leiðinni. Stór gámur verður á svæðinu. Boðið verður upp á hressingu í hádeginu. Fólk er beðið að hafa með sér garðáhöld, þeir sem það geta. Sóknarnefndin, aðal- og varamenn, fólk úr kirkjukórnum og aðrir starfsmenn kirkjunnar taka vel á móti ykkur.
Sunnudaginn 28. apríl kl. 20:00 verður kvöldmessa í Selfosskirkju. Létt og notaleg stund, Kirkjukórinn syngur fallega sálma. Organisti Ester Ólafsdóttir, prestur Guðbjörg Arnardóttir.
Aðstoðar-kirkjuvörður Selfosskirkju
Sóknarnefnd Selfosssóknar auglýsir eftir aðstoðar-kirkjuverði við Selfosskirkju í 50% starf.
Auglýst er eftir starfsmanni í stöðuna aðstoðar-kirkjuvörður Selfosskirkju, sem er hlutastarf. Í því felst að leysa kirkjuvörð af í sumarleyfi hans og öðrum tilfallandi forföllum. Ennfremur að leysa hann af aðra hverja helgi allt árið og eftir nánara samkomulagi á öðrum frídögum og helgidögum þjóðkirkjunnar. Einnig felst í þessu vinna á virkum dögum eftir nánara samkomulagi þannig að 50% starfshlutfalli verði náð.
Í starfi aðstoðar-kirkjuvarðar felst umsjón með kirkju, safnaðarheimili, kirkjulóð og kirkjugarði.
Aðstoðar-kirkjuvörður þarf að hafa góða almenna menntun, ásamt tölvu- og enskukunnáttu. Sérstök áhersla er lögð á færni í mannlegum samskiptum, lipurð og sveigjanleika. Hann / hún þarf að búa yfir ríkri þjónustulund.
Óskað er eftir því að umsækjendur geri skriflega grein fyrir menntun, starfsferli og öðru því sem þeir óska að taka fram. Umsækjendur skulu hafa óflekkað mannorð og vera tilbúnir að veita samþykki fyrir öflun upplýsinga úr sakaskrá í samræmi við siðareglur þjóðkirkjunnar.
Viðkomandi þarf að geta hafið störf sem fyrst.
Nánari upplýsingar um starfið veita Guðmundur Búason gjaldkeri sími:899-9613 gudbuason@gmail.com og Guðný Sigurðardóttir kirkjuvörður, sími:482-2175, selfosskirkja@selfosskirkja.is
Umsóknarfrestur er til 25. apríl nk. Öllum umsóknum verður svarað.
Umsókn sendist til Selfosskirkju:
Sóknarnefnd Selfosssóknar
Selfosskirkju
800 Selfoss
Pálmasunnudagur
Selfosskirkja
Fermingarmessur kl. 11:00 og 14:00.
Sunnudagaskóli kl. 11:00 á baðstofuloftinu, umsjón Sjöfn, Katrín og Dóra.
Skírdagur 28. mars
Selfosskirkja
Fermingarmessa kl. 11:00
Laugardælakirkja
Messa kl. 14:00. Prestur Ása Björk Ólafsdóttir, organisti Guðmundur Eiríksson, almennur safnaðarsöngur. Aðalsafnaðarfundur eftir messuna.
Eyrarbakkakirkja
Messa með altarisgöngu kl. 20:00. Prestur Ása Björk Ólafsdóttir, organisti Pétur Nói Stefánsson, Kammerkór Eyrarbakkakirkju syngur, einsöng syngur Bryndís Magnúsdóttir.
Föstudagurinn langi 29. mars
Eyrarbakkakirkja
Kyrrðarstund kl. 20:00. Prestur Ása Björk Ólafsdóttir, organisti Pétur Nói Stefánsson, Kammerkór Eyrarbakkakirkju syngur. Einsöng syngur Bryndís Magnúsdóttir.
Páskadagur 31. mars
Selfosskirkja
Hátíðarguðsþjónusta kl. 08:00. Prestur Gunnar Jóhannesson, organisti Edit A. Molnár, Kirkjukórinn syngur. Morgunverður í boði sóknarnefndar í Safnaðarheimilinu á eftir.
Eyrarbakkakirkja
Hátíðarguðsþjónusta kl. 08:00. Prestur Guðbjörg Arnardóttir, organisti Pétur Nói Stefánsson, Kammerkór Eyrarbakkakirkju syngur.
Stokkseyrarkirkja
Hátíðarguðsþjónusta kl. 11:00. Prestur Guðbjörg Arnardóttir, organisti Haukur Arnarr Gíslason, Kirkjukórinn syngur. Kaffi í safnaðarheimilinu á eftir.
Hraungerðiskirkja
Hátíðarguðsþjónusta kl. 11:00. Prestur Gunnar Jóhannesson, organisti Guðmundur Eiríksson, Kirkjukórinn syngur.
2. páskadagur 1. apríl
Villingaholtskirkja
Hátíðarguðsþjónusta kl. 11:00. Prestur Guðbjörg Arnardóttir, organisti Guðmundur Eiríksson, Kirkjukórinn syngur.
Gaulverjabæjarkirkja
Hátíðarguðsþjónusta kl. 14:00. Prestur Guðbjörg Arnardóttir, organisti Haukur Arnarr Gíslason, Kirkjukórinn syngur.