Á skírdag 17. apríl verður fermingarmessa í Selfosskirkju kl. 11:00. 25 börn verða fermd svo það er eftirvænting í loftinu enda hátíðleg og fallega stund í lífi þeirra.
Í Laugardælakirkju verður messa kl. 14:00. Organisti Guðmundur Eiríksson, almennur safnaðarsöngur og prestur Guðbjörg Arnardóttir.
Í Eyrarbakkakirkju verður messa kl. 20:00. Kammerkór Eyrarbakkakirkju syngur, organisti Guðný Alma Haraldsdóttir og prestur Ása Björk Ólafsdóttir.
Fermingarmessa klukkan 11. Prestar eru Ása Björk og Guðbjörg. Organisti er Edit og Kirkjukórinn leiðir sönginn.
Náttfata- og bangsa-Sunnudagaskóli á Baðstofuloftinu klukkan 11. Gengið inn um Safnaðarheimilið. Sjöfn leiðir stundina ásamt leiðtogunum og öll eru hjartanlega velkomin!
Sunnudaginn 13. apríl á pálmasunnudag verður fermingarmessa í Selfosskirkju kl. 11:00. Sunnudagaskólainn verður á baðstofuloftinu á sama tíma. Hér má sjá helgihald í Árborgarprestakalli í dymbilviku og um páska og það sem sérstaklega er í Selfosskirkju
Fyrsta fermingarmessan verður í Selfosskirkju sunnudaginn 6. apríl kl. 11:00. Það er mikil spenna í loftinu enda er þetta bjartur og fallegur dagur í lífi fermingarbarnsins og fjölskyldu þess og ekki síður mikill hátíðidagur í kirkjunni.
Sunnudagaskólinn verður kl. 11:00 en að þessu sinni upp á Baðstofuloftinu.
Nú er búið að opna fyrir skráningar í fermingarfræðsluna og að velja fermingardag fyrir vorið 2026.
Börn sem fædd eru 2012 og velja að taka þátt í fermingarfræðslu í Árborgarprestakalli og munu því fermast í kirkjunum okkar; Selfosskirkju, Laugardælakirkju, Hraungerðiskirkju, Villingaholtskirkju, Gaulverjabæjarkirkju, Stokkseyrarkirkju eða Eyrarbakkakirkju geta skráð sig á eftirfarandi slóð. Mikilvægt er að skrá barnið í fræðsluna svo við getum í framhaldinu sent upplýsingar um hvenær fræðslan byrjar og annað. Endilega skrá barnið og velja dag en alltaf er möguleiki á því að breyta fermingardeginum með því að senda á okkur prestana tölvupóst.
Við köllum foreldra og verðandi fermingarbörn á fund til okkar í maí og förum yfir fyrirkomulag fræðslunnar, svörum þeim spurningum sem á ykkur brenna og síðast en ekki síst kveikjum á þeirri tilhlökkun og gleði sem því fylgir að byrja í fermingarfræðslu.
Við hlökkum til að kynnast nýjum fermingarárgangi
Kær kveðja
Guðbjörg, Ása Björk og Gunnar
Messa verður í Selfosskirkju sunnudaginn 30. mars kl. 11:00. Sólveig Lára Guðmundsdóttir héraðsprestur þjónar fyrir altari. Kirkjukórinn syngur og organisti verður Pétur Nói Stefánsson.
Sunnudagaskólinn verður á sínum stað kl. 11:00.
Sunnudaginn 23. mars verður hátíð kóranna í kirkjunni okkar.
Stjörnukór syngur í óhefðbundnum sunnudagaskóla í kirkjunni kl. 11:00.
Kl. 17:00 verða tónleikar með kórum Selfosskirkju og einsöngvari verður Kristjana Stefánsdóttir.
Í dag er síðasta þriðjudagssamveran okkar í vetur. Verið hjartanlega velkomin!
Sunnudagurinn 16. mars er annar sunnudagur í föstu. Þá verður Messa klukkan 11:00. Unglingakórinn syngur okkur inn, Edit leikur á orgelið og kirkjukórinn leiðir sönginn. Séra Ása Björk þjónar.
Kökubasar Unglingakórsins verður eftir messuna.
Sunnudagaskólinn verður klukkan 11:00 í umsjá Sjafnar og leiðtoganna.
Öll eru innilega velkomin!
Þetta er frábært tækifæri fyrir yngstu söngvarana til að kynnast kórstarfi kirkjunnar.
Á þessu námskeiði er grunnurinn að framtíðar kórstarfi lagður í bland við leiki og skemmtun af ýmsu tagi. Krakkarnir fá líka tækifæri til að kynnast kirkjunni okkar á skemmtilegan máta.
Þátttaka er ókeypis og skráning fer fram hjá Edit organista kirkjunnar, edit@simnet.is.