Þessa helgina er Skálholtshátíð og því mun að venju falla niður hefðbundið messuhald í prestakallinu okkar. Séra Ása Björk Ólafsdóttir mun að sjálfsögðu vera í Skálholtsdómkirkju þar sem hátíðarmessan verður klukkan 14:00, sunnudaginn 20. júlí. Öll eru hvött til að leggja land undir fót og mæta þangað.
Kvöldmessan okkar hefst klukkan 20:00. Mæðgurnar Eyrún Huld Ingvarsdóttir og Magnea Gunnarsdóttir leika í messunni á fiðlu og flygil. Kirkjukórinn leiðir sönginn. Séra Ása Björk Ólafsdóttir þjónar, prédikar og býður uppá smurningu að fornum sið. Öll eru innilega velkomin!
Hlekkur í opið streymi útfarar klukkan 13:00 er: https://www.youtube.com/live/B-MCqnQ-6uA
Kvöldmessan okkar verður klukkan 20:00. Bryndís Rós Viðarsdóttir guðfræðinemi mun flytja hugleiðingu auk þess að vera meðhjálpari. Ester Ólafsdóttir leikur á orgelið/flýgilinn og kirkjukórinn leiðir sönginn. Séra Ása Björk Ólafsdóttir leiðir messuna. Þema messunnar er kærleikurinn og tilfinningar, öll eru innilega velkomin í fallegu kirkjuna okkar á árbakkanum.
Messa verður við Hellinn í Hellisskógi á hvítasunnudag 8. júní kl. 11:00.
Kirkjukórinn syngur fallega sumarsálma, kórstjóri Edit A. Molnár, prestur Guðbjörg Arnardóttir.
Fermingarmessa verður í Gaulverjabæjarkirkju á hvítasunnudag 8. júní kl. 14:00
Fermingarmessa verður í Villingaholtskirkju á hvítasunnudag 8. júní kl. 14:00
Fermingarmessa verður í Hraungerðiskirkju á anna hvítasunnudag 9. júní kl. 14:00
Guðsþjónusta verður á uppstigningardag 29. maí kl. 11:00. Dagur helgaður starfi eldri borgara í kirkjunni. Hörpukórinn syngur undir stjórn Stefáns Þorleifssonar, prestur Guðbjörg Arnardóttir.
Súpa á eftir í boði Hérðsnefndar Suðurprófastdæmis.
Hér má finna yfirlit yfir sumarmessur í Árborgarprestakalli og sumarmessurnar hefjast með sjómannadagsmessum bæði í Stokkseyrarkirkju og Eyrarbakkakirkju. Við sjáumst í sumarmessunum okkar!
Vorhátíð Selfosskirkju sunnudaginn 18. maí kl. 11:00.
Fjölskyldumessa þar sem Barna- og Unglingakórinn syngja, Stjörnukórinn kemur einnig fram. Elsti árgangur Unglingakórsins útskrifast og þær sem kveðja fá kross að gjöf frá kirkjunni. Að lokinni messu verður boðið upp á grillaðar pylsu og ýmislegt skemmtilegt hægt að gera fyrir stóra sem smáa. Verið velkomin til skemmtilegar fjölskyldustundar í kirkjunni okkar.
Sunnudaginn 11. maí verðum við með Barokkmessu, þar sem ReykjavíkBarokk sér um tónlistina. Þetta verður skemmtilegt og í raun visst framhald af tónleikum þeirra í kirkjunni fyrr um daginn. Einnig mun Guðný Einarsdóttir organisti leika undir í þeim sálmum sem kirkjukórinn okkar leiðir. Þetta verður hugljúf og nærandi stund. Prestur verður Ása Björk Ólafsdóttir.
Sunnudagaskólinn verður á sínum stað klukkan 11:00, undir leiðsögn Sjafnar og leiðtoganna. Öll eru innilega velkomin!
