Kveðjumessa sunnudaginn 8. desember kl. 11:00

  • Ninna Sif Svavarsdóttir kveður söfnuði sína í Selfossprestakalli sunnudaginn 8. desember kl. 11:00 í Selfosskirkju.
  • Ninna Sif og Guðbjörg munu þjóna saman í messunni.
  • Kirkjukór Selfosskirkju syngur undir stjórn Edit A. Molnár.
  • Eftir messu verður kaffisamsæti sem er sameiginlegt með öllum sóknum prestkallsins, Laugardæla, Hraungerðis og Villingaholts.
  • Verið öll velkomin!

Selfosskirkja á grænni leið

Selfosskirkja hefur hafið það ferli að verða græn kirkja.  Í ferlinu til þess þarf að uppfylla ákveðin skilyrði af gátlista umhverfisstarfs Þjóðkirkjunnar sem ber heitið ,,Græni söfnuðurinn okkar.“  Selfosskirkja fékk í dag heimsókn frá Halldóri Reynissyni sem er í umhverfisnefnd Þjóðkirkjunnar og fékk Selfosskirkja viðurkenninguna ,,Á grænni leið“ og þarf ekki að uppfylla nema nokkur atriði í viðbót til þess að verða grænn söfnuður.