Kvöldmessa verður í Selfosskirkju sunnudaginn 31. október kl. 20:00. Kirkjukórinn syngur fallega sálma og einsöng með þeim syngur Gísli Stefánsson, organisti Edit A. Molnár. Stundin verður einnig helguð minningu látinna ástvina og mögleiki að kveikja á kerti í minningu þeirra sem við höfum misst. Prestur verður Guðbjörg Arnardóttir. Þetta verður notaleg og falleg stund, allra sóttvarna verður gætt og þó ekki sé grímuskylda hvetjum við fólk til þess að vera með grímu.

Þennan sama sunnudag verður guðsþjónusta í Eyrarbakkakirkju kl. 11:00 og í Gaulverjabæjarkirkju kl. 14:00.

Föstudaginn 29. október verður kvöldvaka hjá TTT krökkunum í safnaðarheimili kirkjunnar, frá kl. 18:00 – 21:30.
Safnaðarheimilið verður sett í draugalegan búning í anda hrekkjavökunnar. Skuggalegar pizzur verða bornar á borð og afturgengið gos með.
Öll börn í 5. – 7. bekk eru velkomin og þátttökugjald eru litlar 1.000 kr.
Skráning hér https://forms.gle/2QheDSQ7NQMdVsrG9

Makamissir

Að missa maka gerbreytir lífi fólks og eftirlifandi maki þarf að takast á við miklar breytingar og aðlagast lífi á breyttum forsendum. Í nóvember verður boðið upp á fyrirlestra og samtal um makamissi. Eru samverurnar samstarfsverkefni Árborgar-, Hveragerðis- og Þorlákshafnarprestakalls.

2. nóvember kl. 19:30 í Selfosskirkju
K. Hulda Guðmundsdóttir frá Sorgarmiðstöð flytur erindið: ,,Að missa makann – hvað hjálpar?“

9. nóvember kl. 19:30 í Selfosskirkju
Ólafur Teitur Guðnason flytur erindi og deilir eigin reynslu.

16. og 23. nóvember og kl. 19:30 í Selfosskirkju, verður boðið upp á samtal um sorg og sorgarviðbrögð vegna makamissis og mun prestarnir Ninnna Sif Svavarsdóttir og Guðbjörg Arnardóttir leiða samtalið.

Fyrirlestrarnir eru öllum opnir, enginn aðgangseyrir og ekki þörf á skráningu en frekari upplýsingar má finna hjá prestunum Guðbjörgu Arnardóttur, Ninnu Sif Svavarsdóttur.  Þá má benda á að á Facebook er að finna hópinn „ekkjur og ekklar á Selfossi og nágrenni“ og eru þau sem það á við hvött til þess að skrá sig í hópinn.

Messa verður í Selfosskirkju sunnudaginn 24. október kl. 11:00.
Kirkjukórinn syngur, organisti Edit A. Molnár, prestur Arnaldur Bárðarson.

Sunnudagaskóli á sama tíma kl. 11:00, umsjón Sjöfn Þórarinsdóttir ásamt leiðtogum.

Bleik messa verður í Selfosskirkju sunnudaginn 17. október kl. 11:00.
Fulltrúi frá Krabbameinsfélagi Árnessýslu flytur erindi.
Kirkjukórinn syngur fallega sálma, organisti Edit A. Molnár, prestur Arnaldur Bárðarson.

Sunnudagaskóli á sama tíma kl. 11:00, umsjón hefur Sjöfn Þórarinsdóttir ásamt leiðtogum.

Viljum einnig minna á guðsþjónustu í Hraungerðiskirkju sunnudaginn 17. október kl. 13:30.

Messa verður í Selfosskirkju sunnudaginn 10. október kl. 11:00. Kirkjukórinn syngur, organisti er Ester Ólafsdóttir, prestur Guðbjörg Arnardóttir.
Sunnudagaskóli á sama tíma kl. 11:00, umsjón hefur Sjöfn Þórarinsdóttir ásamt leiðtogum.

Viljum einnig benda á kvöldmessu í Stokkseyrarkirkju sama sunnudag kl. 20:00. Þar syngur Kirkjukór Stokkseyrarkirkju, organisti er Haukur Arnarr Gíslason og prestur Guðbjörg Arnardóttir