Á þjóðhátíðardaginn 17. júní verður bænastund í Selfosskirkju kl. 12:30.  Það verður stutt stund inni í kirkjunni svo hengjum við falleg orð á kirkjuhurðina, blásum sápukúlubænir, fáum blessun í lófann og höldum svo af stað í skrúðgönguna sem leggur af stað frá Selfosskirkju kl. 13:00. 

Sunnudaginn 18. júní kl. 11:00 verður skógarmessa í Hellisskógi og kemur í stað hefðbundinnar messu í Selfosskirkju.  Byrjað verður á bílaplaninu við minnismerkið og gengið um skóginn, stoppað á nokkrum stöðum þar sem ritningarorð og bænir verða lesin.  Endað verður við hellinn með hugleiðingu, blessun og skógarkaffi.  Sjáumst sem flest stór sem smá og klædd eftir veðri, umsjón með stundinni hefur Guðbjörg Arnardóttir.

Nk. sunnudag 11.júní fer hin hefðbundna sunnudagsmessa prestakallsins fram í Laugardælakirkju þar sem verður messa kl. 11.   Söngkór Villingaholts – og Hraungerðissókna syngur undir stjórn Inga Heiðmars Jónssonar organista.  Prestur sr. Ninna Sif Svavarsdóttir.

Strax að messu lokinni verður haldinn aðalsafnaðarfundur Laugardælasafnaðar.

Sunnudaginn 11.júní nk. verður haldinn aðalsafnaðarfundur í Laugardælasókn.  Hann hefst strax að lokinni messu í Laugardælakirkju sem hefst kl. 11.  Á dagskrá fundarins eru hefðbundin störf aðalsafnaðarfundar.

Hvítasunnan er þriðja stórhátíð kirkjunnar og verður messað í þremur kirkjum prestakallsins.

Selfosskirkja
Hátíðarmessa á hvítasunnudag 4. júní kl. 11:00.  Kirkjukórinn syngur undir stjórn Edit A. Molnár.  Prestur Guðbjörg Arnardóttir.
Villingaholtskirkja
Fermingarmessa á hvítasunnudag 4. júni kl. 13:00.  Kirkjukórinn syngur undir stjórn Inga Heiðmars Jónssonar, prestur Guðbjörg Arnardóttir.
Hraungerðiskirkja
Hátíðarmessa á annan hvítasunnudag 5. júní kl. 11:00.  Aðalsafnaðarfundur að messu lokinni.  Kirkjukórinn syngur undir stjórn Inga Heiðmars Jónassonar, prestur Guðbjörg Arnardóttir.