Stund um sorg og áföll 9. apríl

smáblómÞann 9. apríl kl. 15:30 er fjórða samveran um glímuna við sorg og áföll hér í Selfosskirkju. Stutt innlegg verður í upphafi og síðan gefst tækifæri til að eiga þar rými til að viðra reynslu sína og tilfinningar, eiga samtal og gagnkvæman stuðning. Umsjón er í höndum prestanna Axels Njarðvík og Ninnu Sifjar. Allir eru velkomnir og ekkert þátttökugjald.

Fyrstu fermingar um pálmasunnudagshelgi

Fyrstu fermingarnar á þessu vori verða um pálmasunnudagshelgina.  Laugardaginn 12. apríl og á pálmasunnudag 13. apríl verða fermingarathafnir sem hefjast kl. 11.  Prestar kirkjunnar þjóna ásamt organista, kirkjukór og sönghópi úr Unglingakór kirkjunnar.  Næsta ferming verður síðan á skírdag, fimmtudaginn 17. apríl kl. 11.

Helgihald í dymbilviku og um páska í Selfossprestakalli

Selfosskirkja:

Laugardagur 12. apríl – Fermingarmessa kl. 11

Pálmasunnudagur 13. apríl – Fermingarmessa kl. 11

Skírdagur 17. apríl – Fermingarmessa kl. 11

Föstudagurinn langi 18. apríl – Passíusálmalestur kl. 13. Fólk úr söfnuðinum lesa sálmana. Kyrrðarstund við krossinn kl. 20. Umsjón: Sr. Axel og Jörg organisti ásamt Kirkjukórnum.

Páskadagur 20. apríl – Hátíðarmessa kl. 8. Prestur sr. Óskar, Jörg organisti og kirkjukórinn. Sóknarnefnd býður til morgunverðar á eftir í safnaðarheimili.

 

Laugardælakirkja:

Skírdagur 17. apríl – Messa kl. 13:30. Prestur sr. Axel Njarðvík. Almennur söngur. Altarisganga. Aðalsafnaðarfundur Laugardælasóknar verður haldinn að messu lokinni. Venjuleg aðalfundarstörf skv. starfsreglum um sóknarnefndir.

 

Villingaholtskirkja:

Páskadagur 20. apríl – Hátíðarmessa kl. 11. Prestur sr. Óskar Hafsteinn Óskarsson. Organisti Ingi Heiðmar Jónsson. Söngkór Hraungerðis- og Villingaholtssókna leiðir sönginn.

 

Hraungerðiskirkja:

Annar páskadagur 21. apríl – Hátíðarmessa og ferming kl. 11. Prestur sr. Axel Árnason Njarðvík. Organisti Ingi Heiðmar Jónsson. Söngkór Hraungerðis- og Villingaholtssókna leiðir sönginn.

Saltfiskur og föstustund í dag kl. 12

Föstuhádegi verður í dag og síðan aftur næsta föstudag  11. apríl.  Þetta er samvera sem hefst með orgelspili og helgistund í kirkjunni en síðan er farið í safnaðarheimilið og boðið upp á fiskmeti og kaffisopa á eftir.  Málsverður kostar 1200 kr. fyrir manninn og rennur ágóði í Hjálparsjóð Selfosskirkju.  Föstuhádegi hefjast um kl. 12 og þeim lýkur laust fyrir kl. 13.  Allir velkomnir!

Vissir þú? – Nokkrar tölur úr kirkjustarfinu

Á árinu 2013 voru 32 útfarir í Selfossprestakalli, 21 hjónavígsla og 83 börn voru skírð.  Fermingarbörn á síðasta vori voru 89 talsins.  Alls munu organisti og kirkjukór hafa sungið við 63 almennar guðsþjónustur á síðasta ári.  Morgunbænastundir (þriðjudaga til föstudaga kl. 10) voru 194 og alls mættu 3400 manns í þær stundir sem segir að 18 mæta í hverja stund að meðaltali.

Stund um sorg og áföll í dag 2. apríl

Gengið um grýti

Í dag 2. apríl kl. 15:30 er þriðja samveran um glímuna við sorg og áföll hér í Selfosskirkju. Stutt innlegg verður í upphafi og síðan gefst tækifæri til að eiga þar rými til að viðra reynslu sína og tilfinningar, eiga samtal og gagnkvæman stuðning. Umsjón er í höndum prestanna Axels Njarðvík og Ninnu Sifjar. Allir eru velkomnir og ekkert þátttökugjald.

6. apríl -fjölskylduguðsþjónusta

Við setjumst hér í hringinnNæstkomandi sunnudag (6. apríl) er fjölskylduguðsþjónusta kl. 11 og  með henni lýkur með formlegum hætti sunnudagsskóla þessa vetrar í Selfosskirkju.  Sr. Ninna Sif og sr. Axel annast prestsþjónustuna auk leiðtoga úr sunnudagsskólanum. Barn- og unglingakór Selfosskirkju undir stjórn Edit Molnar, syngur og leiðir sönginn. Suzuki fiðluhópur spilar ennfremur. Að venju verður boðið til léttrar  hressingar í hádeginu í boði sóknarinnar. Þannig gefst okkur frekara tækfæri til samveru.
Verið öll velkomin og sjáumst í kirkjunni.