Messa í Selfosskirkju sunnudag 19. nóvember kl. 11:00

„Guð í þinni hendi, hvíli ég í trú“ .. 

Messa í Selfosskirkju sunnudaginn 19. nóvember kl. 11:00

Organisti er Edit A. Molnár, Kirkjukórinn syngur og prestur er Jóhanna Magnúsdóttir.

Óttar Pétursson,  sem er nú í fermingarfræðslu í Selfosskirkju  spilar kafla úr fiðlukonsert eftir Vivaldi.


Sunnudagaskóli á sama tíma, umsjón hefur Jóhanna Ýr Jóhannsdóttir ásamt leiðtogum.
Súpa og brauð í Safnaðarheimilinu á eftir, gegn vægu gjaldi.

Verið öll hjartanlega velkomin!

Kirkjukórar í Suðurprófastdæmi

Þriðjudaginn 7. nóvember sungu nokkrir kirkjukórir í Suðuprófastæmi á tónleikum sem vanalega eru haldnir í Skáholti en vegna viðgerða á gluggum þar voru tónleikarnir í Hveragerðiskirkju.

Þvílíkt ríkidæmi og fjársjóður sem kirkjurnar í prófastdæminu eiga í þessum kirkjukórum og fólkinu sem syngur í þeim.  Hér er hópmynd af kórunum, sem sungu saman en einnig hver fyrir sig.

 

Allra heilagra messa í Selfosskirkju sunnudaginn 5. nóvember kl. 11:00

Í Allra heilagra messu minnumst við látinna ástvina með því að kveikja á kertum  og þökkum fyrir líf þeirra með bænum, íhugun og tónlist.

Messan  verður með einfölduðu formi – og áhersla á fallega tónlist og samveru í nánd.

Organisti er Edit A. Molnár, Kirkjukórinn syngur og prestur er Jóhanna Magnúsdóttir.
Sunnudagaskóli á sama tíma, umsjón hefur Jóhanna Ýr Jóhannsdóttir ásamt leiðtogum.
Súpa og brauð í Safnaðarheimilinu á eftir, gegn vægu gjaldi.

Verið öll hjartanlega velkomin!

 

Messa í Selfosskirkju sunnudaginn 29. október

Messa verður í Selfosskirkju sunnudaginn 29. október kl. 11:00
500 ára afmælis siðbreytingarinnar verður minnst með orðum og sálmavali.  
Organisti Edit A. Molnár, Kirkjukórinn syngur og prestur er Guðbjörg Arnardóttir.
Sunnudagaskóli á sama tíma, umsjón hefur Jóhanna Ýr Jóhannsdóttir ásamt leiðtogum.
Súpa og brauð í Safnaðarheimilinu á eftir, gegn vægu gjaldi.

(Ó)NÝTT landsmót ÆSKÞ á Selfossi vel nýtt.

Helgina 20. – 22. október var Landsmót ÆSKÞ haldið á Selfossi. Mótið gekk eins og í sögu og var mál manna að aðstaðan á Selfossi væri mjög góð fyrir mót eins og þetta.

Það er gríðarlega mikilvægt fyrir æskulýðsstarf í landinu að sveitarfélög séu tilbúin að taka á móti unglingunum og það má svo sannarlega segja um Selfoss. Allir aðilar sem komu að mótinu voru jákvæðir fyrir því frá fyrsta degi. Við viljum koma á framfæri kærum þökkum til Sveitarfélagsins Árborgar, Braga menningarfulltrúa, Guðmundar húsvarðar í Vallaskóla, Guðjóns húsvarðar og Hrannar í Iðu, HP kökugerðar, Guðnabakarí, Almars bakari, Sóknarnefndar Selfosskirkju, Hveragerði og Einars Björnssonar.

Mótið bar yfirskriftina (Ó)nýtt landsmót en þar horfðum við til sköpunarverksins og hvernig við erum að fara með jörðina. Fræðsla mótsins var um umhverfisvernd en eftir hana fengu æskulýðsfélagar að spreyta sig í alls konar umhverfisvænum verkefnum í Messy Church hópastarfi. Á mótinu var allt sorp flokkað og telst því mótið vel nýtt.

Næsta landsmót ÆSKÞ verður haldið á Egilsstöðum og eru æskulýðsfélagar landsins eflaust farnir að hlakka til.

Jóhanna Ýr Jóhannsdóttir, æskulýðsfulltrúi Selfosskirkju,

  

Karitas Harpa í kvöldmessu í Selfosskirkju

Næstkomandi sunnudagskvöld 22.október verður kvöldmessa í Selfosskirkju.  Karitas Harpa Davíðsdóttir ætlar að syngja við undirleik Stefáns Þorleifssonar.  Prestur sr. Ninna Sif Svavarsdóttir.  Kvöldmessur í Selfosskirkju eru notalegar og nærandi stundir þar sem hið hefðbundna messuform er brotið upp.  Í aðalhlutverki er falleg tónlist og orð Guðs sem byggir upp og nærir.  Það verður gott að koma – sjáumst í kirkjunni!

(Ó)nýtt landsmót

Landsmót ÆSKÞ (Æskulýðssamband Þjóðkirkjunnar) fer fram á Selfossi 20. – 22. október.

Yfirskrift mótsins í ár: (ó)nýtt landsmót – minnir okkur á það að hver hlutur og hugmynd er auðlind. Það sem er ónýtt í augum eins, er nýtt í huga annars.  Að endurnýta hluti sem og hugmyndir er til þess fallið að auka verðmæti og sama tíma sýna virðingu, ef við sækjumst alltaf bara eftir einhverju nýju skiljum við aldrei fullkomlega auðinn sem býr í hverjum hlut og því síður það kraftaverk sem jörðin okkar er.

Dagskráin er þéttskipuð, sundlaugarpartý, kvöldvökur, helgistundir fræðsla, vinnuhópar í tenglsum við þemað, ratleikur um bæinn, hæfileikakeppni, DJ Egill Spegill og Hr hnetusmjör sjá um ballið. Lokapunktur landsmóts er messa í Selfosskirkju en þar mun sr. Ninna Sif Svavarsdóttir þjóna og Kristján Valur Ingólfsson predika.