Þriðja sunnudag í aðventu, 16. desember kl. 11:00 verður helgistund í Selfosskirkju. Við syngjum jólasálma, verðum með bænastund og flytjum leikritið sem flutt var við heimsóknir leik- og grunnskólanna á aðventunni. Eftir stundina verður svo jólaball sunnudagaskólans í Safnaðarheimilinu, dansað í kringum jólatréð og við fáum að sjálfsögðu góða gesti í heimsókn til okkar alla leið út Ingólfsfjalli.
Hátíðleg barna- og fjölskyldumessa sunnudaginn 2. desember kl. 11:00. Unglingakórinn syngur, kórstjóri Eyrún Jónasdóttir, Umsjón með messunni Jóhanna Ýr Jóhannsdóttir og Guðbjörg Arnardóttir. Súpa og brauð að messu lokinni, sömuleiðis verður Unglinakórinn með kökubasar.
Aðventukvöld sunnudaginn 2. desember kl. 20:00. Kirkjukórinn, Unglingakórinn og Barnakórinn syngja, kórstjórar eru Ester Ólafsdóttir og Eyrún Jónasdóttir. Ræðumaður kvöldsins er Bjarni Harðarson, Guðbjörg Arnardóttir leiðir stundina. Hátíðleg og falleg samvera á fyrsta sunnudegi í aðventu.
Sunnudaginn 25. nóvember er messa í Selfosskirkju kl. 11. Sr. Ninna Sif Svavarsdóttir þjónar. Kór kirkjunnar syngur, organisti Ester Ólafsdóttir.
Sunnudagaskóli á sama tíma í safnaðarheimilinu í umsjón æskulýðsleiðtoga.
Súpa og brauð að messu lokinni gegn vægu gjaldi.
Fjóra þriðjudaga í desember 2018 verður blaðað í Biblíunni á baðstofulofti Selfosskirkju.
Axel Á Njarðvík héraðsprestur leiðir samtal um afar ráhugaverða þætti Biblíunnar, um eðli textans, sögu hans og notkun. Í fjögur skipti koma þátttakendur sama að textum Biblíunnar til að lesa hann og hugleiða og fara síðan ríkari heim. Það hefst kl. 18:00 þriðjudaginn 4. desember og stendur yfir góða klukkustund. Síðan hittumst við næstu þriðjudaga, þann 11. og 18. desember og svo einn til sem við finnum út saman. Vinsamlega skráið ykkkur með því að hringja skráningu í Axel síma 856 1574 eða með tölvupósti á axel.arnason@kirkjan.is. Þátttaka er ókeypis og verið velkomin.
Hjálpað á fætur
Þann sunnudag verður messa og barnastarf kl. 11 í Selfosskirkju. Hugum að uppbyggingu sálar og samfélags með hvert öðru. Barnastarfið leiðir Jóhanna Ýr. Prestur Axel og organgisti Ester. Kirkjukór leiðir söng. Súpa gegn vægu gjaldi í safnaðarheimili. Verið velkomin.
Sunnudaginn 4. nóvember, á Allra heilagra messu, verður guðsþjónusta í Selfosskirkju kl. 11. Við komum saman til að minnast og til að þakka og tendrum ljós í minningu látinna ástvina. Kór kirkjunnar syngur, prestur sr. Ninna Sif Svavarsdóttir. Á sama tíma er sunnudagaskóli í safnaðarheimilinu í umsjón Jóhönnu Ýrar og leiðtoga í æskulýðsstarfinu. Að messu lokinni er borin fram súpa og brauð gegn vægu gjaldi.
Sunnudaginn 28. október verður bleik messa í Selfosskirkju kl. 11:00. Félagar úr Krabbameinsfélagi Árnessýslu taka þátt. Guðbjörg Guðmundsdóttir og vinkonur hennar deila reynslu sinni og segja frá styrknum sem felst í vináttunni.
Kirkjukórinn syngur.
Súpa og brauð að athöfn lokinni og rennur ágóðinn til styrktar Krabbameinsfélaginu.
Um kvöldið verður svo kvöldmessa kl. 20:00.
Þar kemur fram félagar úr hljómsveitinni Skítamóral frá Selfossi.
Prestur verður Guðbjörg Arnardóttir.
Rétt að minna á messu og sunnudagsskóla morgundagsins, sunnudagsins 21. október 2018 kl.11. Jóhanna Ýr hefur umsjón með barnastarfinu og sr. Axel leiðir helgihaldið í kirkjunni. Ester Ólafsdóttir spilar á orgelið. Kórinn syngur og fólkið tekur undir. Fermingarbörn komi með foreldrum.
Axel handleggs brotinn
Eins og undanfarin ár er dagur heilbrigðisþjónustunnar haldinn þann sunnudag sem næstur er degi Lúkasar læknis og guðspjallamanns sem er 18. október. Næsti sunnudagur er tileinkaður þessu málefni. Dagurinn á sér fyrirmynd í „Healthcare Sunday“ sem fyrst var haldinn í Bretlandi fyrir um einum og hálfum áratug. Fleiri kirkjur hafa tekið daginn upp. Markmiðið er að lyfta upp heilbrigðisþjónustunni til að styðja, styrkjog vekja athygli á því umfangsmikla starfi sem unnið er á vettvangi heilbrigðisþjónustunnar og biðja fyrir þeim sem starfa innan hennar, þeim sem þjónustuna þiggja og þeim sem sinna leiðtogastörfum og taka vandasamanr ákvarðarnir sem lúta að heilbrigðismálum.
Verið öll hjartanlega velkomin til andlegrar uppbyggar sálar og samfélags.
