Sunnudaginn 24.febrúar er messa í Selfosskirkju kl. 11. Sr. Ninna Sif Svavarsdóttir þjónar. Kór kirkjunnar syngur, organisti Ester Ólafsdóttir. Sunnudagaskóli á sama tíma í umsjón Jóhönnu Ýrar og leiðtoganna. Súpa og brauð í safnaðarheimilinu gegn vægu gjaldi að messu lokinni.
Kl. 13.30 er guðsþjónusta á Fossheimum. Þar syngur Hörpukórinn undir stjórn Guðmundar Eiríkssonar og sr. Ninna Sif þjónar.
Helgina 15. – 17. febrúar fóru 18 hressir unglingar ásamt leiðtogum úr æskulýðsfélagi Selfosskirkju Kærleiksbirnunum á Febrúarmót ÆSKR í Vatnaskógi. Á mótinu voru um 150 unglingar af stór Reykjavíkursvæðinu og nágrenni. Helgin var þéttskipuð fjölbreyttri og skemmtilegri dagskrá. Hópurinn gat ma. skemmt sér í hoppukastala, orrustu, spilum, borðtennis, skottaleik, karaoke og pottaferðum. Erna Kristín guðfræðinemi sá um fræðslu mótsins sem fjallaði um mikilvægi þess að hafa jákvæða líkamsímynd. Fastir liðir í dagskránnir voru einnig helgistundir, spurningakeppni, ball og atriðakeppni. Að þessu sinni sigraði Æskulýðsfélag Selfosskirkju atriðakeppnina með flutingi Viktors Kára Garðarssonar á laginu Rósinni. Helgin gekk glimrandi vel í alla staði og voru unglingarnir sjálfum sér og félaginu til sóma.
Jóhanna Ýr Jóhannsdóttir, æskulýðsfulltrúi Selfosskirkju
Hefðbundin messa verður í Selfosskirkju sunnudaginn 17. febrúar kl. 11:00. Kirkjukórinn syngur, organisti Ester Ólafsdóttir. Prestur Guðbjörg Arnardóttir. Sunnudagaskóli á sama tíma, umsjón hefur Jóhanna Ýr Jóhannsdóttir ásamt leiðtogum. Súpa og brauð að messu lokinni.
Kvöldmessa verður kl. 20:00 þar mun Kór Menntaskólans á Laugarvatni syngja og er lagaval þeirra mjög frjölbreytt, allt frá ABBA til þjóðsöngsins. Nýlega hlaut kórinn Menningarverðlaun Suðurlands. Kórnum stjórnar Eyrún Jónasdóttir en hún hefur einnig í vertur stjórnað Barna- og unglingakór Selfosskirkju.
Messa sunnudaginn 2. febrúar kl. 11:00.
Kirkjukórinn syngur, organisti Ester Ólafsdóttir. Prestur Guðbjörg Arnardóttir.
Sunnudagaskóli á sama tíma í umsjón leiðtoga.
Súpa og brauð á eftir gegn vægu gjaldi.
Messa í Hraungerðiskirkju kl. 13:30.
Söngkór Hraungerðis- og Villingaholtskirkna syngur, organisti Ingi Heiðmar Jónsson.
Prestsur Guðbjörg Arnardóttir.
Sunnudaginn 27.janúar verða tvær messur í Selfosskirkju. Kl. 11 er messa og sunnudagaskóli. Prestur sr. Ninna Sif Svavarsdóttir, kór kirkjunnar syngur, organisti Ester Ólafsdóttir. Um sunnudagaskólann sjá leiðtogarnir Katrín og Bjarki. Að messu lokinni er borin fram súpa í safnaðarheimilinu gegn vægu gjaldi.
Kl. 20 er kvöldmessa þar sem Magnús Þór Sigmundsson sér um tónlistina. Afslöppuð og notaleg kvöldstund þar sem fléttast saman tónlist, bænir og ritningarorð. Prestur sr. Ninna Sif.
Messa verður sunnudaginn 20. janúar kl. 11:00.
Kirkjukórinn syngur, organisti Ester Ólafsdóttir, prestur Guðbjörg Arnardóttir.
Sunnudagaskóli á sama tíma, umsjón Jóhanna Ýr Jóhannsdóttir ásamt leiðtogum.
Súpa og brauð að athöfn lokinni
Við auglýsum hér fjölskyldumessu í Seflosskirkju á sunnudaginn, þann 13. janúar kl. 11. Eins og allir sem líta út um gluggann á Selfossi þá er enginn snjór á Selfossi í dag og varla heldur á morgun eða á sunnudaginn, En sem áður vertu velkomin.
Konur eru konum bestar – Sjálfsstyrkingarnámskeið í Selfosskirkju
Sjálfstyrkingarnámskeiðið Konur eru konum bestar verður haldið í Selfosskirkju fimmtudagana 17. og 24. janúar og er frá 19:30-21. Námskeiðið miðar að því að byggja upp sjálfsmynd kvenna og skapa þeim vettvang til að kynnast sjálfum sér betur í góðu samfélagi við aðrar konur. Fjallað verður um mikilvægi þess að styðja hver við aðra og standa með sjálfri sér. Ýmsum spurningum er velt upp og sögur Biblíunnar eru notaðar til að varpa ljósi á viðfangsefnið.
Námskeið þetta hefur notið fádæma vinsælda innan kirkjunnar. Þátttaka er konum að kostnaðarlausu, en skráning er nauðsynleg, annað hvort á ninna.sif.svavarsdottir@kirkjan.is eða gudbjorg.arnardottir@kirkjan.is
Æskulýðsfundir hófust aftur á nýju ári í vikunni og hófst fjörið með skemmtilegum „Capture the flag glow in the dark leik“ Æskulýðsfundir eru á þriðjudögum kl. 19:30.
TTT hófst einnig í vikunni en TTT er fyrir 10 – 12 ára börn og er á miðvikudögum kl. 16:00 – 17:00.
Framundan er fjölbreytt dagskrá og mót í Vatnaskógi.
Hér eru nokkar myndir frá fundunum í vikunni.
Við í Selfosskirkju óskum ykkur gleðilegs árs og þökkum samskipti á liðnu ári.
Enginn tíðasöngur verður þessa fyrstu viku í janúar og viðtalstími presta eftir samkomulagi. Messa verður sunnudaginn 6. janúar kl. 11:00.
