Greinasafn eftir: Sjöfn Þórarinsdóttir
Krílasálmar
Krílasálmar verða haldnir í kirkjunni í samfloti við foreldramorgna. Krílasálmarnir hefjast kl. 10:30 á miðvikudögum á baðstofuloftinu og þegar þeim líkur taka foreldramorgnarnir við kl. 11:00.
Öll velkomin og þátttaka er ókeypis.
Skráning er í hvern tíma fyrir sig og fer fram hér.
Hlökkum til að sjá ykkur!
Jól í skókassa
Nú fer hver að verða síðastur að útbúa kassa fyrir Jól í skókassa. Síðasti skiladagurinn hjá okkur í Selfosskirkju er fimmtudagurinn 2. nóvember, milli 13:00 og 16:00.
Þau sem það kjósa geta keypt tilbúinn pappakassa sem þarf ekki að pakka inn. Gengið er frá kaupunum á https://klik.is og kassinn sóttur til okkar í Selfosskirkju.
Frekari upplýsingar um verkefnið er að finna inni á heimasíðunni kfum.is/skokassar
Hrekkjavöku-kvöldvökur í kirkjunni
Föstudaginn 27. október verður skuggaleg stemming í kirkjunni. Þá ætlum við að gera okkur glaðan dag með pizzaparty og skemmtilegum leikjum. Við verðum með tvær kvöldvökur, fyrir krakka í 1. – 4. bekk frá 17:00-18:30 og fyrir krakka í 5. – 7. bekk frá 19:00-21:00. Þátttaka kostar 1000 kr, innifalið í því er pizzaveisla og glaðningur.
Skráning hér: https://forms.gle/4dZbTW2a2Cm2pLcXA
Haustfrí
Stjörnukór Selfosskirkju
Útifata-skiptimarkaður 1. október
Krílasálmar
Krílasálmar er tónlistarnámskeið fyrir foreldra og börn þeirra á aldrinum 3ja til 12 mánaða. Á námskeiðinu er foreldrum kennt hvernig nota má tónlist og söng til að efla tengslin við börnin og örva þroska þeirra.
Á námskeiðinu er stuðst við tónlistararf kirkjunnar en jafnframt eru sungnar þekktar vísur, leikið á bjöllur og spilað á hristur. Það verður einnig dansað, notast við slæður, blöðrur og sápukúlur til að örva öll skynfæri barnanna.
Námskeiðið er fjögur skipti, frá 19. febrúar til 12. mars, og fer fram á sunnudögum kl. 9:30-10:10 á baðstofulofti Selfosskirkju. Kosturinn við þessa tímasetningu er einkum sá báðum foreldrum gefst kostur á að koma á námskeiðið með barninu.
Umsjón með námskeiðinu hefur Sjöfn Þórarinsdóttir, æskulýðsfulltrúi kirkjunnar.
Ekkert þátttökugjald er fyrir námskeiðið en takmarkaður sætafjöldi er í boði.
Nauðsynlegt er því að skrá sig til að tryggja sér sæti.
Skráningarform er hér: https://forms.gle/KbqPEhbBrth1hyDD7
Frekari upplýsingar er hægt að fá hjá sjofn@selfosskirkja.is