Skráningu nýrra félaga í Barna – og Unglingakórum Selfosskirkju er senn að ljúka og lýkur 15. október nk. Hafði því samband við Edit í tíma til að allt sé með tilhlýðilegum hætti.
Næsta skráningartímabil verður frá 6. janúar 2015 og lýkur 10. febrúar 2015.
Messa er kl. 11 sunnudaginn 12. október og barnastarf á sama tíma í safnaðarheimili. Sr. Ninna Sif þjónar fyrir altari. Jörg Sondermenn spilar á orgelið og Kirkjukór Selfoss leiðir sönginn. Súpa í hádeginu vegna vægu gjaldi. Verið velkomin.
Kvöldmessa verður kl. 20 sunnudaginn 5. október 2014. Stefán Þorleifsson situr við flygilinn og fær til liðs við söngvara. Uppbyggjandi og nærandi stund fyrir alla og allir eru velkomnir. Sr. Axel Njarðvík og sr. Ninna Sif þjóna.
Fjölskylduguðsþjónusta verður í Selfosskirkju sunnudaginn 5. október kl. 11. Barna og unglingakórar kirkjunnar syngja undir stjórn Edit Molnár. Kökubasar verður strax eftir guðsþjónustuna þar sem æskulýðsfélag kirkjunnar safnar fyrir ferð sinni á landsmót æskulýðsfélaga í lok október. Prestarnir sr. Axel og sr. Ninna Sif leiða söfnuðinn.