Af gefnu tilefni er rétt að árétta að fermingarbörnin á Selfossi söfnuðu fyrir Hjálparstarf Kirkjunnar í gær og það gildir sem fermingarfræðsla bæði fyrir gærdaginn og daginn í dag 🙂

Njótið dagsins og ekki sakna okkar of mikið! Sjá allar nánari upplýsingar í pósti okkar til foreldra fermingarbarna

Sunnudagaskóli klukkan 11 í umsjá Sjafnar og leiðtoganna. Öll eru innilega velkomin!

Bleik kvöldmessa verður í Selfosskirkju klukkan 20. Sérstakur gestur er Bryndís Guðmundsdóttir sem leiðir okkur á sinn jákvæða máta í gegnum það að greinast og vinna í gegnum krabbamein og einnig um það starf sem fram fer á vettvangi bleiku slaufunnar. Séra Ása Björk þjónar. Ester og kirkjukórinn leiða sönginn. Öll eru velkomin og ekki skemmir fyrir ef þið eigið eitthvað bleikt til að klæðast eða hafa með <3

.

Messa með altarisgöngu þar sem sköpunarþemað verður gegnumgangandi, klukkan 11.

Ester organisti og kór kirkjunnar leiða okkur í söngnum, en Guðmundur meðhjálpari og séra Ása Björk leiða messuna. Íris kirkjuvörður verður á staðnum og býður uppá kaffisopa eftir messuna. Fermingarbörn og fjölskyldur sérstaklega hvött til að ganga til altaris. Öll eru hjartanlega velkomin!

Æskulýðsguðsþjónusta í Selfosskirkju klukkan 11 sunnudaginn 3. september. Guðsþjónustan markar upphaf hauststarfsins og öll sem vilja taka þátt í æskulýðs- og söngstarfi komið og skráið ykkur! Söfnuður og fermingarbörnin syngja saman undir stjórn Editar, Sjöfn og séra Ása Björk leiða stundina. Sálmar sérvaldir til að öll syngi með og gleðjist á þessum tímamótum þegar umræðuefni prédikunarinnar er kærleikur og virðing.   Bænahópar og fleira hefst þessa vikuna, vinsamlegast sjáið allar upplýsingar á síðunni okkar.

Kvöldguðsþjónusta verður klukkan 20:00 sunnudaginn 13. ágúst.

Þemað verður fjölsbreytileikinn og samband okkar við Guð, sem fer ekki í manngreinarálit. Verum við sjálf! Meðlimir úr kirkjukórnum leiða sönginn. Öll eru hjartanlega velkomin.

Messa verður haldin í Selfosskirkju klukkan 11 sunnudaginn 30. júlí.

Þema messunnar er ljósið og það hvernig við bregðumst við því sem hendir okkur í lífinu; byggjum við líf okkar á bjargi eða sandi? Meðlimir úr kirkjukórnum leiða sönginn.

Ef veður leyfir, munum við hafa útiguðsþjónustu þennan sunnudag, 16. júlí klukkan 11, með kaffi/tei/vatni og kexi. Annars látum við fara vel um okkur inni. Þema guðsþjónustunnar er úr Fjallræðunni, um trúna, vonina og kærleikann.

Meðlimir úr kirkjukórnum okkar leiðir sönginn.

Munum að Guð vakir yfir okkur alla daga.

Messað verður í Selfosskirkju klukkan 11. Kirkjukórinn leiðir sönginn, prestur og djákni verða með samtalsprédikun og allt getur gerst!

Öll eru velkomin!

Munið að morgunbænir sem eru þriðjudaga, miðvikudaga og fimmtudaga klukkan 9:15, fara í sumarfrí 1. júlí

Sunnudaginn 18. júní er messa í kirkjunni klukkan 11.

Kirkjukórinn leiðir söng, öll eru hjartanlega velkomin.