Selfosskirkja
Hátíðarmessa á hvítasunnudag kl. 11:00. Kirkjukórinn syngur, organisti Ester Ólafsdóttir. Prestur Guðbjörg Arnardóttir.
Villingaholtskirkja.
Fermingarmessa á hvítasunnudag kl. 13:30. Kór kirkjunnar syngur, organisti Ingi Heiðmar Jónsson. Prestur Guðbjörg Arnardóttir
Hraungerðiskirkja
Hátíðarmessa á annan hvítasunnudag kl. 13:30. Kór kirkjunnar syngur, organisit Ingi Heiðmar Jónsson. Prestur Guðbjörg Arnardóttir
Í vikunni fór hópurinn sem mætt hefur á foreldramorgna í vetur í vel heppnaða vorferð í Þorlákshöfn. Nokkrar mæður og börn nutu þess að fara í sundlaugina í Þorlákshöfn og eftir sundið sameinaðist hópurinn í góðu yfirlæti á veitingastaðnum Hendur í Höfn.
Margir foreldrar hafa nýtt sér að mæta í vetur og höfum við fengið ákaflega góðar heimsóknir frá fjölmörgum fyrirlesurum og er það seint full þakkað hvað fólk í samfélaginu er tilbúið að gefa af sér fyrir þennan ágæta hóp.
Markmið foreldramorgna er að vera samkomustaður fyrir foreldra með ung börn og er það mikilvægt fyrir foreldra í fæðingarorlofi að hafa stað til að hittast á spjalla, fræðast, byggja sig upp og drekka kaffi.
Formleg dagskrá foreldramorgna er nú komin í sumarfrí en við hefjum starfið aftur að nýju um miðjan ágúst.
Jóhanna Ýr Jóhannsdóttir, æskulýðsfulltrúi
Uppstigningardagur er dagur eldri borgara í kirkjunni. Af því tilefni verður messa í Selfosskirkju á uppstigningardegi 30. maí kl. 11:00. Hörpukórinn leiðir safnaðarsöng og syngur, stjórnandi kórsins er Guðmundar Eiríkssonar. Prestur Guðbjörg Arnardóttir. Eftir messuna verður borin fram súpa í Safnaðarheimilinu í boði héraðssjóðs. Verið innilega velkomin!
Fermingarfræsðla í Selfossprestakalli 2019-2020
Þriðjudagskvöldið 21. maí kl. 19:30 boða prestarnir í Selfossprestakalli foreldra væntanlegra fermingarbarna vorsins 2020 til fundar í Selfosskirkju. Þar verður fyrirkomulag fræðslunnar næsta vetur kynnt, m.a. fræðslunámskeið í ágúst, fermingarferðalag sem og fermingardagar næsta vors. Allar nánari upplýsingar veita prestarnir sr. Guðbjörg í síma 8654444 eða gudbjorg.arnardottir@kirkjan.is og sr. Ninna Sif í síma 8491321eða ninna.sif.svavarsdottir@kirkjan.is
Með kærum kveðjur
Guðbjörg og Ninna Sif
Sunnudaginn 19. maí kl. 11:00 verður hin árlega krossamessa. Þeir Unglingar sem ljúka störfum hjá kórnum eru heiðraðir og fá afhent sérsmíðað hálsmen frá kirkjunni. Kirkjukórinn og Unglingakórinn syngja og verður kórsöngurinn í fyrirrúmi í athöfninni. Stjórnandi Unglingakósins er Eyrún Jónasdóttir og organisti er Ester Ólafsdóttir. Prestur Guðbjörg Arnardóttir.
Laugardaginn 11. maí og sunnudaginn 12. maí kl. 11:00 verða fermingarmessur í Selfosskirkju. Kirkjukórinn og raddir úr Unglingakórnum syngja. Organisti Ester Ólafsdóttir. Prestar Guðbjörg Arnardóttir og Ninna Sif Svavarsdóttir.
Sunnudaginn 12. maí kl. 13:30 verður þjóðbúningamessa í Villingaholtskirkju. Söngkór Hraungerðis- og Villingaholtssókn syngur. Organisti Ingi Heiðmar Jónsson, prestur Guðbjörg Arnardóttir. Fólk hvatt til að koma í þjóðbúningum. Pálnínuboð/messukaffi í Þjórsárveri á eftir.
Helgihald í dymbilviku og um páska í Selfossprestakalli
Skírdagur 18. apríl
Fermingarmessa í Selfosskirkju kl. 11:00
Fermingarmessa í Laugardælakirkju kl. 13:30
Föstudagurinn langi
Pílagrímaganga á föstudaginn langa – Golgataganga. Gangan hefst með stuttri helgistund í Selfosskirkju kl. 9:45. Gengið verður til Laugardælakirkju og þar hefst helgistund kl. 11.45. Göngustjórar eru sr. Axel Árnason Njarðvík og sr. Ninna Sif Svavarsdóttir. Allir eru velkomnir að slást í hópinn og svo er líka hægt að sækja helgistundir á báðum stöðum þótt fólk taki ekki þátt í göngunni. Göngufólk er beðið að koma vel skóað, klætt eftir veðri og með nesti.
Páskadagur
Hátíðarmessa í Selfosskirkju kl. 08:00. Kirkjukórinn syngur undir stjórn Esterar Ólafsdóttur, prestur Guðbjörg Arnardóttir. Morgunverður í boði og umsjón sóknarnefndar Selfosskirkju í Safnaðarheimilinu að messu lokinni.
Hátíðarmessa í Villingaholtskirkju kl. 11:00. Söngkór Hraungerðis- og Villingaholtssókna syngur undir stjórn Inga Heiðmars Jónssonar. Prestur Guðbjörg Arnardóttir.
Annar páskadagur
Hátíðarmessa í Hraungerðiskirkju kl. 11:00. Söngkór Hraungerðis- og Villingaholtssókna syngur undir stjórn Inga Heiðmars Jónassonar. Prestur Guðbjörg Arnardóttir.
Föstudaginn langa, föstudaginn 19.apríl, verður gengin pílagrímaganga frá Selfosskirkju í Laugardælakirkju.
Gangan hefst með stuttri helgistund í Selfosskirkju kl. 9:45. Gengið verður til Laugardælakirkju og þar hefst helgistund kl. 11.45. Göngustjórar eru sr. Axel Árnason Njarðvík og sr. Ninna Sif Svavarsdóttir. Allir eru velkomnir að slást í hópinn og svo er líka hægt að sækja helgistundir á báðum stöðum þótt fólk taki ekki þátt í göngunni. Göngufólk er beðið að koma vel skóað, klætt eftir veðri og með nesti.
Sunnudaginn 14.apríl, pálmasunnudag, er fermingarmessa í Selfosskirkju kl. 11. Prestar eru þær sr. Guðbjörg Arnardóttir og sr. Ninna Sif Svavarsdóttir. Kór kirkjunnar syngur, organisti Ester Ólafsdóttir.
Á sama tíma er sunnudagaskóli á baðstofuloftinu í umsjón Jóhönnu Ýrar og leiðtoganna. Allir hjartanlega velkomnir!
Messa verður sunnudaginn 7. apríl kl. 11:00. Kirkjukórinn syngur, organisti Ester Ólafsdóttir. Prestur Guðbjörg Arnardóttir.
Sunnudagaskóli á sama tíma, umsjón Jóhanna Ýr Jóhannsdóttir ásamt leiðtogum
