Sunnudaginn 4.mars verður guðsþjónusta í Hraungerðiskirkju kl. 13.30.  Barn borið til skírnar.  Söngkór Villingaholts – og Hraungerðissókna syngur undir stjórn Inga Heiðmars Jónssonar.  Prestur sr. Ninna Sif Svavarsdóttir.

Áður auglýstum aðalsafnaðarfundi er frestað.

Fyrsti sunnudagur í mars er æskulýðsdagur þjóðkirkjunnar.  Þann dag verða tvær messu í Selfosskirkju helgaðar unga fólkinu.  Kl. 11 verður fjölskyldumessa með þátttöku barna og unglinga úr æskulýðsstarfi kirkjunnar.  Söngur, gleði og gaman!  Umsjón með stundinni hafa Jóhanna Ýr og sr. Ninna Sif.  Allir velkomnir, súpa og brauð gegn vægu gjaldi að messu lokinni.  Kl. 12.30 hefst svo aðalsafnaðarfundur í safnaðarheimilinu.

Kl. 20 verður  Star Wars messa.  Þar leika nemendur Tónlistarskóla Árnesinga tónlist úr Star Wars kvikmyndunum á ýmis hljóðfæri og fjallað verður um stef og persónur í kvikmyndunum frá sjónarhóli trúarinnar.

Messa verður í Selfosskirkju sunnudaginn 25. febrúar kl. 11:00.
Kirkjukórinn syngur, organisti Edit A. Molnár, prestur Guðbjörg Arnardóttir.
Súpa og brauð í safnaðarheimilinu á eftir, gegn vægu gjaldi.
Sunnudagaskóli á sama tíma, umsjón Jóhanna Ýr Jóhannsdóttir ásamt leiðtogum.

Í Selfosskirkju gerum við okkur dagamun á konudaginn.  Í messunni kl. 11 verður tónlistarveisla þar sem boðið verður upp á hljóðfæra leik og kirkjukórinn og unglingakórinn syngja.  Að messu lokinni verður borin fram dýrindis súpumáltíð í safnaðarheimilinu sem Renuka Chareyre á Seylon reiðir fram ásamt sjálfboðaliðum úr kirkjustarfinu.  Máltíðin mun kosta 1000 kr. og mun öll innkoman fara óskert í kaup á flygli í Selfosskirkju.  Þá munu félagar úr Lionsklúbbi Selfoss gefa öllum konum sem koma til kirkju eina rós.

Enn setur veðrið strik í reikninginn hjá okkur.
Ekki verður TTT í dag og sömuleiðis fellur slökunar- og bænajóga niður í dag, miðvikudag.

Messa í Villingaholtskikjur kl. 13:30 fellur niður vegna veðurs.

Sömuleiðis kvöldmessa með Jóni Jónssyni sem vera átti í Selffosskirkju sunnudagskvöld kl. 20:00.  Jón kemur seinna til okkar og þá verður vonandi veðrið skpalega.

Sunnudaginn 11. febrúar verða 3 guðsþjónustur í prestakallinu

Messa í Selfosskirkju kl. 11:00.  Kirkjukórinn syngur, organisti Edit A. Molnár, barn borið til skírnar.  Prestur Guðbjörg Arnardóttir. 
Sunnudagaskóli á sama tíma, umsjón Jóhanna Ýr Jóhannsdóttir ásamt leiðtogum.
Súpa og brauð í Safnaðarheiminu á eftir.

Guðsþjónusta í Villingaholtskirkju kl. 13.30, Kirkjukórinn syngur, organisti Ingi Heiðmar Jónsson, prestur Guðbjörg Arnardóttir.

Kvöldmessa í Selfosskirkju kl. 20:00.  Um tónlistina sér Jón Jónsson, prestur Guðbjörg Arnardóttir.

Á miðvikudögum í febrúar kl. 17.30 verður boðið upp á slökunarjóga í Selfosskirkju með bænaívafi.  Um er að ræða klukkustundar langar samverur þar sem gerðar verða einfaldar jóga – og slökunaræfingar og iðkuð bæn.  Umsjón með samverunum hefur Ragnheiður Eiríksdóttir jógakennari ásamt prestum Selfossprestakalls.

Þátttaka er gjaldfrjáls en við biðjum þau sem vilja taka þátt að skrá sig hjá prestunum á netföngin gudbjorg.arnardottir@kirkjan.is eða ninna.sif.svavarsdottir@kirkjan.is.  Æskilegt er að hafa með sér dýnu til að leggja á gólfið og jafnvel einnig hlýtt teppi.  Fyrsta samveran verður miðvikudaginn 7.febrúar nk.

Messa verður í Selfosskirkju sunnudaginn 28. janúar kl. 11:00.
Prestur Guðbjörg Arnardóttir, organisti Edit A. Molnár, Kirkjukórinn syngur.
Sunnudagaskóli á sama tíma, umsjón Jóhanna Ýr Jóhannsdóttir ásamt leiðtogum.
Súpa og brauð í Safnaðarheimilinu eftir messu.
Velkomin !

Nk. sunnudag 21.janúar verður messa í Selfosskirkju kl.  11.  Prestur sr. Ninna Sif Svavarsdóttir, organisti Edit Molnár, kór kirkjunnar syngur.

Á sama tíma er sunnudagaskóli í safnaðarheimilinu í umsjón Jóhönnu Ýrar Jóhannsdóttur og æskulýðsleiðtoga.

Í safnaðarheimilinu verður borin fram súpa gegn vægu gjaldi að messu lokinni.