Biblíulestur á mánudeg, þeim 31. mars kl. 17 í safnaðarheimili. 5. skiptið núna. Litið til hugmynda um lífstíl og það sem nefna má yfirlýsing hvers eða staðfesta og þessi textabrot höfð til hliðsjónar:
Lesa Jesja 2.1-4
Post. 2.42-47
Post 17.16-34
Kol. 3.12-17
Verið velkomin. Kyrrðarbæn í kirkjunni upp úr klukkan sex
Greinasafn fyrir flokkinn: Safnaðarstarf
Glænýju fréttabréfi verður dreift í hús í vikunni
Fréttabréf Selfosskirkju kemur út nú í vikunni og verður dreift í hús fyrir næstu helgi. Þar er sagt frá ýmsum viðburðum í safnaðarstarfinu, listi yfir fermingarbörn og fermingardaga verður í fréttabréfinu, sem og myndir af kórfólki á öllum aldri. Helgihaldi í dymbilviku og um páska eru gerð skil og sagt frá ferðamannakirkjunni sem starfrækt verður í sumar. Fréttabréf Selfosskirkju kemur inn um lúguna á öllum heimilum í sókninni en auk þess má nálgast eintak í kirkjunni.
Biblíulestur í dag, 24. mars
Fjórði fundur Biblíulestrarhópsins á föstu 2014 hittist í dag í safnaðarheimili Selfosskirkju. Tveir textar liggja undir í megindráttum er fjalla um trúmennsku og þjónustu. Textarnir eru 1. kafli úr Daníelsbók og kafli 10:35-45 úr Markúsarguðspjalli. Fundirnir eru sjálfsstæðir og standa í klukkutíma. Því tækifæri til að koma þó hafið sé. 27 manns eru skráðir. Umsjón hefur sr. Axel Njarðvík.
„Sorgin knýr dyra“ í Selfosskirkju
Hafrót í lífinu
Fyrirhugaðir eru fjórir miðvikudags eftirmiðdagar i í Selfosskirkju á næstunni fyrir þau sem misst hafa náinn ástvin og glíma við sorg. Fyrsta skiptið verður þann 19. mars kl. 15:30 og svo næstu þrjá miðvikudaga, rúman klukkutíma í einu. Stutt innlegg verður í upphafi hvers skiptis og síðan gefst tækifæri til að eiga þar rými til að viðra reynslu sína og tilfinningar, eiga samtal og gagnkvæman stuðning. Umsjón er í höndum prestanna Axels Njarðvík og Ninnu Sifjar. Allir eru velkomnir og ekkert þátttökugjald. Fólk er hins vegar beðið á skrá sig annað hvort hjá sr. Axel eða sr. Ninnu Sif.
„West Side Story“ söngleikjatónleikar 15. mars nk.
Barna- og unglingakór Selfosskirkju mun halda tónleika laugardaginn 15. mars kl. 15:00 í Selfosskirkju ásamt Strengjasveit Tónlistarskóla Árnesinga.
Um er að ræða Söngleikjatónleika, vinsælustu perlur úr söngleikum Mary Poppins, West Side Story, Fiðlarinn á þakinu og Sound of Music. Fallegar kórútsettningar, einsöngvar og dúettar.
Eftir spennandi undirbúning, fjölda æfinga, samæfingar og æfingabúðir er bara eitt eftir, að flytja fyrir framan fullt hús.
Það er svakalega ánægjulegt fyrir okkur að stíga á svið ásamt strengjasveit sem er skipuð meðlimum á sama aldri og kórfélagar. Á sviðinu verða í kringum 90 ungir söngvarar og hljóðfæraleikarar.
Við píanóið verður Miklós Dalmay, stjórnendur eru Edit Molnár og Guðmundur Kristmundsson. Tónleikarnir hlutu styrk Menningarráðs Suðurlands.
Við lofum frábærri skemmtun!
9. mars 2014 helgihald
Messa og barnastarf kl. 11. Prestur sr. Axel Njarðvík. Organisti Jörg Sondarmann, Aðalsafnaðarfundur haldinn að lokinni guðsþjónustu.
Dagskrá aðalsafnaðarfundar:
Málefni sóknarinnar verða þar rædd, starfsskil og reikningsskil sóknarnefndar sem og verkefni og starf næsta starfsárs.
Dagskrá fundarins er með þessum hætti (sbr Starfsreglur um sóknarnefndir http://www2.kirkjan.is/node/11364):
1. Gerð grein fyrir starfsemi og rekstri sóknarinnar á liðnu starfsári.
2. Afgreiðslu reikninga sóknar og kirkjugarðs fyrir sl. ár, ásamt fjárhagsáætlun næsta árs.
3. Greint frá starfsemi héraðsnefndar og héraðsfundi.
4. Ákvörðun um meiriháttar framkvæmdir og framtíðarskuldbindingar.
5. Kosning sóknarnefndarmanna og jafnmargra varamanna til 4ra ára.(á ekki við í ár)
6. Kosning tveggja skoðunarmanna eða endurskoðanda sóknar og kirkjugarðs og varamanna þeirra til árs í senn.
Málefni sóknarinnar verða þar rædd, starfsskil og reikningsskil sóknarnefndar sem og verkefni og starf næsta starfsárs.
Dagskrá fundarins er með þessum hætti (sbr Starfsreglur um sóknarnefndir http://www2.kirkjan.is/node/11364):
1. Gerð grein fyrir starfsemi og rekstri sóknarinnar á liðnu starfsári.
2. Afgreiðslu reikninga sóknar og kirkjugarðs fyrir sl. ár, ásamt fjárhagsáætlun næsta árs.
3. Greint frá starfsemi héraðsnefndar og héraðsfundi.
4. Ákvörðun um meiriháttar framkvæmdir og framtíðarskuldbindingar.
5. Kosning sóknarnefndarmanna og jafnmargra varamanna til 4ra ára.(á ekki við í ár)
6. Kosning tveggja skoðunarmanna eða endurskoðanda sóknar og kirkjugarðs og varamanna þeirra til árs í senn.
Biblíulestur að fara af stað
Kynningarfundur eftir messu sunnudaginn 23. febrúar í safnaðarheimilinu.