Sorgarhópur í Selfosskirkju

Í apríl verður farið af stað með sorgarhópa í Selfosskirkju.  Samveran byggist á stuttu innleggi og síðan umræðum er varða sorg og sorgarúrvinnslu.  Það er gerir mörgum gott sem hafa gengið í gegnum sorg eða áföll að hitta aðra sem staðið hafa í sömu sporum og geta þannig í trúnaði og einlægni rætt um líðan sína.  Umsjón með samverunum hafa Axel Árnason Njarðvík héraðsprestur og prestar Selfosskirkju Guðbjörg Arnardóttir og Ninna Sif Svavarsdóttir.  Fyrsta samveran verður miðvikudaginn 20. apríl kl. 17:30 og næstu þrjá miðvikudaga á eftir.  Óskað er eftir því að fólk skrái sig hjá prestunum á eitthvað af eftirfarandi netföngum:  axel.arnason@kirkjan.is, ninnasif@gmail.com, gudbjorg.arnardottir@kirkjan.is

Karlakór Rangæinga heldur vortónleika í Selfosskirkju þriðjudaginn 12. apríl kl. 20:30.

Sérstakir gestir: Þórunn Elfa Stefánsdóttir sópran og kvartettinn Rangárdætur (söngnemendur úr Tónlistarskóla Rangæinga).

Undirleikarar: Glódís Margrét Guðmundsdóttir á píanó og Grétar Geirsson á harmoníku.

Stjórnandi: Guðjón Halldór Óskarsson, organisti.

Efnisskráin er létt og fjölbreytt eins og sjá má m.a. hér: www.karlar.is

Kirkjukór Selfosskirkju er sjötíu ára í dag.  Af því tilefni verða haldnir hátíðartónleikar í Selfosskirkju klukkan fjögur.  Efnisskráin er flölbreytt.  Kórinn mun meðal mannars syngja  lög sem flutt voru á fyrstu tónleikum kórsins 1946 auk annara verka.  Með kórnum koma fram kórar Hveragerðis og Kotstranadasókna, kór Þorlákskirkju, kór Hruangerðis- og Villingaholtssóknar og unglingakór Selfosskirkju.  Halla Dröfn Jónsdóttir syngur einsöng.  Stjórnandi þessa alls er Edit Anna Molnár en undirleik annast Miklós Dalmay.  Meðfylgjandi er mynd af sameiginlegri æfingu kóranna.

Veislan heldur áfram! Föstuhádegi í dag kl. 12 sem hefst með örstuttri helgistund inni í kirkju og svo snæðum við saman dýrindis saltfisk og meðlæti í safnaðarheimilinu sem þær Guðný kirkjuvörður og María hafa þegar hafist handa við að útbúa. Halla Marinósdóttir söngkona syngur við undirleik Edit Molnár. Máltíðin kostar 1000 kr. og rennur allur ágóði í Hjálparsjóð Selfosskirkju. Allir hjartanlega velkomnir – sjáumst í kirkjunni í dag!

Um þessar mundir er Kvenfélag Selfosskirkju 50 ára. Kvenfélagið er ómetanlegur bakhjarl í öllu starfi kirkjunnar, sér um að framreiða súpumáltíð á sunnudögum eftir messu allan ársins hring, styður við kóra – og æskulýðsstarf kirkjunnar með myndarlegum hætti, sér um fermingarkirtlana auk þess að sjá iðulega um veitingar sem fram eru bornar í safnaðarheimilinu og margt margt fleira. Í tilefni afmælisins bjóða þær í dag öllum eldri borgurum í Árborg til kaffisamsætis á Hótel Selfoss. Ekki í kirkjunni, því það á að vera nóg pláss fyrir alla og svo ætla þær sjálfar, kvenfélagskonurnar að setjast niður og njóta veitinga og skemmtidagskrár í stað þess að þjóna eins og þær eru vanar.  Við hlökkum til að njóta dagsins með þeim.

Samvera og málþing í Selfosskirkju um prestshjónin Sigurð Pálsson og Stefaníu Gissurardóttur kl. 20:00.

Framsögu hafa:

Gunnlaugur A. Jónsson

Óli Þ. Guðbjartsson

Páll Sigurðsson

Ólafur Sigurðsson

Gissur Páll Gissurarson syngur.

Kaffisopi í safnaðarheimilinu í hléi.

Söguganga verður um kirkjugarðinn og kirkjuna í dag mánudag kl. 17:00.  Leiðsögumenn verða Sigurjón Erlingsson og Valdimar Bragason.  Kaffisopa á eftir.

Sunnudaginn 13. mars hefst afmælisvika Selfosskirkju með fjölskyldumessu kl. 11.  Barn verður borið til skírnar, Barna – og Unglingakórar kirkjunnar syngja undir stjórn Edit Molnár og Ryþmasveit Tónlistarskóla Árnesinga leikur en kennari sveitarinnar er Vignir Ólafsson.  Um stundina sjá sr. Ninna Sif og Jóhanna Ýr æskulýðsfulltrúi.  Að lokinni messu verður afmæliskaka í boði og þá verður líka opnuð sýning á munum í eigu kirkjunnar.

Kl. 20 verður kvöldmessa þar sem feðgarnir Arngrímur Fannar og Haraldur Fannar sjá um tónlistina.

Komum til kirkju á sunnudag og fögnum afmælinu!