Sunnudaginn 18. október var haldin bleik messa í Selfosskirkju. Þá mætti kirkjukórinn í bleiku og söng einnig niðri hluta af messunni.
Hér má sjá kór
inn ásamt söngstjóra sínum og organistanum Edit Molnár einnig er Ninna Sif Svavarsdóttir prestur með þeim.
Hjálpað á fætur
Fyrirhugaðir eru fjórir miðvikudags eftirmiðdagar i nóvember 2015 í Selfosskirkju fyrir þau sem glíma við sorg og missi.
Fyrsta skiptið verður þann 4. nóvmber kl. 17:00 og svo næstu þrjá miðvikudaga, rúman klukkutíma í einu. Stutt innlegg verður í upphafi hvers skiptis og síðan gefst tækifæri til að eiga þar rými til að viðra reynslu sína og tilfinningar, eiga samtal og gagnkvæman stuðning. Umsjón er í höndum héraðsprestsins sr. Axels Njarðvík. Allir eru velkomnir og ekkert þátttökugjald. Fólk er hins vegar beðið á skrá sig annað hvort hjá sr. Axel í síma 856 1574 eða axel.arnason@kirkjan.iseða hjá prestum Selfosskirkju eða kirkjuverði í síma 482-2175. Frekari upplýsingar eru á heimasíðu Selfosskirkju, www.selfosskirkja.is.
Ást og kærleikur renna saman
Sr. Axel Árnason Njarðvík héraðsprestur messar að þessu sinni í Selfosskirkju, þann 25.október kl. 11. Barnastarf í kirkjunni á sama tíma. Glúmur Gylfason spilar á orgelið og Kirkjukór Selfoss leiðir söng. Hugað er að sáningu og uppskeru í textum dagsins. Hugum því að því hverju er sáð í okkur og hverju við sáum. Og síðan aðrir uppskera. Verið öll hjartanlega velkomin.
Sunnudagskvöldið 4.október kl. 20 verður kvöldmessa í Selfosskirkju þar sem tríóið Sæbrá sér um tónlistina. Prestur er sr. Ninna Sif. Efni tríósins er fjölbreytt, stíllinn er bæði poppaður og rómantískur, stundum má einnig heyra snefil af rokki í sumum lögum. Hljóðfæraskipanin er oft á tíðum misjöfn en notast þær við hljóðfæri á við gítar, píanó, raf- eða kontrabassa, þverflautu og ásláttahljóðfæri svo eitthvað sé nefnt. Söngur er mikið atriði í tríóinu og lögð áhersla á raddaðan söng. Kvöldmessur í Selfosskirkju eru afslappaðar og notalegar þar sem skiptist á tónlist og talað mál. Verum öll velkomin – sjáumst í kirkjunni!
Fjölskyldumessa sunnudaginn 4. október kl. 11. Skemmtileg, uppbyggileg og nærandi stund fyrir alla fjölskylduna! Barnakór kirkjunnar syngur undir stjórn Edit Molnár. Sr. Ninna Sif og Jóhanna Ýr æskulýðsfulltrúi stýra stundinni. Súpa og brauð á eftir í safnaðarheimilinu. Verum öll velkomin – sjáumst í kirkjunni!
Fjóra miðvikudaga í okótbermánuði verður blaðað í Biblíunni í Selfosskirkju. Axel Á Njarðvík héraðsprestur leiðir samtal um nokkur vers, eðli textans sem og sögu hans. Í fjögur skipti koma þátttakendur sama að textum Biblíunnar til að lesa hann og hugleiða og fara síðan ríkari heim. Það hefst kl. 17 miðvikudaginn 7. október og lýkur rétt fyrir 18:30. Vinsamlega skráið ykkkur á www.selfosskirkja.is eða með því að hringja skráningu í kirkjuvörð Selfosskirkju, Guðnýju Sigurðardóttur síma 482 2175. Þátttaka er ókeypis og verið velkomin.
Vinsamlega nýtið þetta form til skráningar:
Sunnudaginn 20. september er messa og sunnudagaskóli kl. 11. Í messunni þjónar sr. Ninna Sif Svavarsdóttir, kirkjukórinn syngur og organisti er Jörg Sondermann. Jóhanna Ýr Jóhannsdóttir æskulýðsfulltrúi sér um sunnudagaskólann ásamt leiðtogum. Að lokinni messu og sunnudagaskóla verður boðið upp á súpu og brauð í safnaðarheimilinu. Góð og nærandi morgunstund í kirkjunni á sunnudag, verum öll velkomin. Sjáumst í kirkjunni!
Minnum á fjölskylduguðsþjónustu kl. 11:00. Barna- og unglingakórinn syngur. Kynning á safnaðarstarfinu á eftir, samlokur og ávextir.
Sjáumst í kirkjunni
Nætkomandi sunnudag verður barna- og fjölskylduguðsþjónusta í Selfosskirkju kl. 11:00. Þar mun barna- og unglingakór Selfosskirkju hefja vetrarstarf sitt og syngja, stjórnandi er Edit Molnár. Umsjón með guðsþjónustunni hafa prestarnir Ninna Sif og Guðbjörg ásamt Jóhönnu Ýr nýjum æskulýðsfulltrúa. Eftir guðsþjónustuna verða samlokur og ávextir í safnaðarheimilinu og kynning á vetrarstarfinu. Um kvöldið verður svo létt-guðsþjónusta þar sem hljómsveitin Slow Train mun spila Bob Dylan lög og prestarnir Guðbjörg og Ninna Sif leiða stundina. Þetta verður eðal sunnudagur í kirkjunni og þau sem vilja hita upp fyrir sunnudagaskólann í vetur geta byrjað að læra lagið Í sjöunda himini sem verður sungið í sunnudagaskólanum í vetur.
Selfosskirkja mun bjóða upp á sjálfstyrkingarprógrammið 12. sporin –Andlegt ferðalag í vetur.
Vinir í bata, munu leiða starfið af stað og hefst það miðvikudaginn 16. september. Vinir í bata er hópur fólks sem hefur farið sjálft í gegnum prógrammið og tileinka sér Tólf sporin sem lífstíl og hefur það að markmiði að gefa öðrum kost á því að kynnast þessu prógrammi, vegna þess að þetta starf hefur gefið mörgum mjög mikið og orðið fólki til blessunar. Tólf spora vinna hentar öllum þeim sem í einlægni vilja vinna með tilfinningar sínar í þeim tilgangi að öðlast betri líðan og meiri lífsfyllingu þar sem leitað er styrks í kristinni trú.
Boðið er upp á þrjá opna kynningarfundi þar sem fólk hefur tækifæri til að sjá út á hvað prógrammið gengur, á fjórða fundi er hópnum lokað og unnið er út frá vinnubókinni 12.sporin -Andlegt ferðalag. Unnið er í litlum lokuðum hópum, vinnan gengur út á að deila eigin reynslu styrk og von, mæta á vikulega fundi sem eru haldnir á miðvikudagskvöldum kl.20:00-22:00 í safnaðarheimili Selfosskirkju í vetur. Kirkjan býður þátttakendum upp á þetta þeim að kostnaðarlausu, utan þess að þeir þurfa að kaupa vinnubókina 12. Sporin –Andlegt ferðalag sem er til sölu í Bókakaffi á Selfossi.
Vinir í bata (VIB) eru með heimasíðu, viniribata.is, þar er hægt að nálgast frekari upplýsingar um 12.sporin –Andlegt ferðalag. Nánari upplýsingar um starfið gefur Hugrún Kristín Helgadóttir í síma 822 84444.