Konur eru konum bestar

Dagana 21. og 28.janúar kl. 19-22 verður boðið upp á námskeiðið Konur eru konum bestar í Selfosskirkju.  Um er að ræða sjálfstyrkingarnámskeið fyrir konur sem hefur notið mikilla vinsælda og þúsundir kvenna sótt sér til uppbyggingar.  Umsjón með námskeiðinu hafa sr. Guðbjörg Arnardóttir og sr. Ninna Sif Svavarsdóttir.  Þátttaka í námskeiðinu er ókeypis en skráning nauðsynleg á netföngin gudbjorg.arnardottir@kirkjan.is eða ninnasif@gmail.com eða í síma 8654444 (Guðbjörg) eða 8491321 (Ninna Sif).

Nú er Jóhanna Ýr Jóhannsdóttir komin að fullu til starfa í Selfosskirkju og er það sannarlega gleðiefni fyrir okkur.  Hér er stutt yfirlit yfir það starf sem hún sinnir og bendum við sérstaklega á 6-9 ára starfið og TTT starfið sem hefst í næstu viku:

Sunnudagaskóli alla sunnudaga kl. 11:00
Æskulýðsfundir á þriðjudögum kl. 19:30
Kirkjuskóli Sunnulækjarskóla 1.- 4.bekkur hefst:
24. nóv. kl. 14:45-15:45
Kirkjuskóli Vallaskóla 1. – 4. bekkur hefst:
26. nóv. kl. 13:50-14:50
TTT starf (10-12 ára) í Selfosskirkju hefst:
25. nóv. kl. 15-16.
Foreldramorgnar á miðvikudögum kl. 10:30 – 12:00

Það var nóg að gera um helgina í safnaðarstarfi Selfosskirkju.  Kirkjukór Selfosskirkju tók þátt í samsöngsverkefni kirkjukóra í Skálholti á laugardagkvöld.  Á sunnudaginn var líf og fjör í Selfosskirkju þegar Hafdís og Klemmi komu í heimsókn í sunnudagaskólann.  Þá var guðsþjónusta í Hraungerðiskirkju og skírn í Villingaholtskirkju.

Á Facebook síðu Selfosskirkju má sjá stutt myndband frá helginni.

Við prestarnir í Selfossprestakalli höfum verið að setja inn myndbönd á Facebook síðu Selfosskirkju þar sem við segjum frá lífinu í safnaðarstarfinu í viku.  Við tókum skemmtilegri áskorun sem byrjaði í Garðakirkju og hefur þetta mælst vel fyrir.  Hér er myndband dagsins.

Æskulýðsfélag Selfosskirkju, Kærleiksbirnirnir, hefja Biblílestrarmaraþon í kirkjunni í kvöld kl. 19:00 og munu lesa upp úr Biblíunni í alla nótt.  Þetta er liður í frjáöflun félagsins en þau hafa verið dugleg að safna sér fyrir ferðinni.

Í kvöld verður annar kynningarfundur á 12 sporunum.  Þetta er spennandi og gott starf sem Vinir í bata vinna að og gefandi að fara í það ferðalag sem vinna við 12 sproin er.  Nánari upplýsingar má finna hér á heimsíðunni undir starfið.