Greinasafn fyrir flokkinn: Eitt og annað

Kvöldmessa sunnudaginn 12. september kl. 20:00

Birt þann af
Svara

Sunnudaginn 12. september verður kvöldmessa í Selfosskirkju kl. 20:00. Kirkjukórinn syngur fallega kvöldsálma, organisti Edit A. Molnár og prestur Gunnar Jóhannesson. Það verður notalegt að eiga góða kvöldstund í kirkjunni.

Sunnudagaskólinn verður á sínum hefðbundna tíma kl. 11:00, umsjón hefur Sjöfn Þórarinsdóttir æskulýðsfulltrúi ásamt leiðtogum.

Þau sem vilja koma til messu kl. 11:00 á sunnudagsmorgni er bent á guðsþjónustu í Stokkseyrarkirkju þennan sama sunnudag kl. 11:00. Þar syngur Kirkjukór Stokkseyrarkirkju og organisti er Haukur Arnarr Gíslason, prestur Gunnar Jóhannesson.

Guðsþjónusta í Selfosskirkju sunnudaginn 5. september kl. 11:00

Birt þann af
Svara

Guðsþjónusta verður í Selfosskirkju sunnudaginn 5. september kl. 11:00. Kirkjukórinn syngur, organisti Edit A. Molnár, prestur Arnaldur Bárðarson.

Gaman er að benda á að á sama tíma verður útvarpað frá guðsþjónustu í Selfosskirkju sem var tekin upp sl. fimmtudag en á upptökuna er einnig hægt að hlusta hvenær sem er á ruv.is. Myndin hér fyrir neðan er tekin af hluta hópsins eftir upptökuna. Biskup Íslands var með okkur og markar þessi sunnudagur upphaf þess að í flestum kirkjum landsins er nú vetrarstarfið allt að fara af stað.

Leikjanámskeið í Selfosskirkju

Birt þann af
Svara

Við ætlum að breyta til og bjóða upp á leikjanámskeið í Selfosskirkju áður en formlegt barnastarf hefst í haust. Í boði verða námskeið fyrir 5-9 ára krakka og 9-12 ára.
Umsjón með námskeiðunum hefur Sjöfn Þórarinsdóttir tómstundafræðingur og æskulýðsfulltrúi kirkjunnar, en í sumar var hún með hin geysivinsælu sveitanámskeið GobbiGobb.
Skráning og frekari upplýsingar eru að finna hér:

Leikjanámskeið Selfosskirkju