Við vekjum athygli á erindi um sorg og sorgarviðbrögð í Hveragerðiskirkju 3. nóvember kl. 20 og sorgarsamtölum í kjölfarið á miðvikudögum. Verið velkomin.

Verið velkomin til helgihalds í Árborgarprestakalli á Allraheilagramessu, sunnudaginn 6. nóvember.

Stokkseyrarkirkja kl. 11. Gunnar Jóhannesson þjónar fyrir altari. Organisti Haukur Gíslason.

Villingaholtskirkja kl. 13:30 – Þjóðbúningamessa og messukaffi í Þjórsárveri. Gunnar Jóhannesson þjónar fyrir altari. Organisti Guðmundur Eiríksson.

Kvöldmessa í Selfosskirkju kl. 20. Fiðlunemendur Maríu Weiss frá TÁ koma fram og spila í messunni. Gunnar Jóhannesson þjónar fyrir altari. Organisti Edit Molnár. Kirkjukór Selfoss syngur.

Sunnudagsmessa í Selfosskirkju kl. 11.
Verið hjartanlega velkomin til góðrar stundar í Selfosskirkju á morgun, 4. júlí. Kirkjukór Selfoss syngur við undirleik Guðmundae Eiríkssonar. Sr. Gunnar Jóhannesson þjónar fyrir altari. Meðhjálpari er Vilhjálmur Eggertsson.

Messað verður í Selfosskirkju sunnudaginn 27. júní kl. 11. Sr. Gunnar Jóhannesson þjónar fyrir altari og prédikar. Ester Ólafsdóttir leikur á orgelið og kirkjukór Selfosskirkju syngur. Verið öll hjartanlega velkomin til góðrar stundar.

Nú liggur fyrir að samkomubann gildir næstu fjórar vikur frá og með mánudeginum 16. mars.

Í því ljósi hefur Biskup Íslands tilkynnt að messuhald og vorfermingar í kirkjum landsins falli niður á meðan samkomubannið er í gildi.

Þetta þýðir að messur í Selfossprestakalli munu falla niður á meðan samkomubannið er í gildi. Í þessu ljósi hefur einnig verið ákveðið að fella niður fyrirhugaða messu í Selfosskirkju sunnudaginn 15. mars kl. 11. Í stað þeirra fermingarmessa sem fyrirhugaðar voru í apríl en falla nú niður verður boðið upp á aðra fermingardaga í sumar og haust í samráði við foreldra fermingarbarna.

Þótt ekki komi á óvart að samkomubanni hafi verið komið á eru þessar aðstæður einstakar. Þó gott sé að vita til þess að allt er gert til þess að hefta útbreiðslu covid-19 veirunnar þá reyna þær aðstæður sem nú eru uppi á okkur öll hvert og eitt og samfélagið í heild með margvíslegum hætti. Dyrum Selfosskirkju verður ekki alfarið læst. Prestar kirkjunnar og annað starfsfólk verða áfram til staðar og áfram er hægt að leita til kirkjunnar eftir kyrrð og samtali, stuðningi og nánd.

Bænir okkar eru hjá hverjum og einum og íslensku samfélagi í heild. Það er gott að leggja allt sem framundan er, hverja stund og sérhvern dag, allar hugsanir, tilfinningar, áhyggjur og kvíða, í Guðs góðu hendur í þeirri trú og vissu að hann er engum nær en þeim sem til hans leitar og að ekkert geti gert okkur viðskila við kærleika hans.

Prestar og starfsfólk Selfossprestakall.

Verið hjartanlega velkomin til messu í Selfosskirkju á fyrsta sunnudegi í föstu kl. 11.

Sr. Gunnar Jóhannesson þjónar fyrir altari. Kirkjukórinn syngur undir stjórn Edit Molnár organista. Boðið er upp á súpu og kaffi í safnaðarheimilinu á eftir.

Sunnudagaskólinn hefst svo kl. 13 með lífi og fjör, söng og feluleik.

Verið hjartanlega velkomin til góðra stunda í Selfosskirkju.

Verið öll velkomin til sannkallaðrar fjölskyldustundar í Selfosskirkju. Það verður glatt á hjalla, sungið og brugðið á leik. Unglinkakórinn syngur undir stjórn Edit Molnár og Rebbi refur lítur við ásamt vinum sínum. Að messu lokinni verður boðið uppá súpu í safnaðarheimilinu.

Sr. Gunnar Jóhannesson leiðir stundina ásamt Rebekku Kristinsdóttir.

Allir eru velkomnir og eru leikskóla-, sunnudagaskólabörnin og fermingarbörnin sérstaklega sérstaklega boðin velkomin ásamt fjölskyldum sínum.