Verið velkomin til sannkallaðrar hátíðarstundar í Selfosskirkju 30. apríl kl. 11:00.
Það verður barnvæn gleði ríkjandi í kirkjunni og eru allir, ungir sem aldnir, hjartanlega velkomnir.
Í guðsþjónustunni verður tekið á móti nýjum presti Árborgarprestakalls, sr. Ásu Björk Ólafsdóttur. Verður hún sett inn í embætti af prófasti Suðurprófastsdæmis, Halldóru Þorvarðardóttur.
Auk þess verður uppskeruhátíð kóra- og barnastarfs kirkjunnar. Barna- og unglingakór kirkjunnar syngur undir stjórn Edit Molnár og Kolbrúnar Berglindar Grétarsdóttur. Þeir kórfélagar sem eru að ljúka síðasta söngári sínu með unglingakórnum verða sérstaklega heiðraðir.
Prestar Árborgarprestakalls þjóna ásamt prófasti og æskulýðsfulltrúa og mun sr. Ása Björk flytja hugleiðingu. Að guðsþjónustunni lokinni býður sóknarnefnd uppá kirkjukaffi og meðlæti í safnaðarheimilinu. Einnig verður boðið upp á ratleik og annað skemmtilegt.
Fjölmennum til góðrar stundar í kirkjunni.
Messa og sunnudagsskóli á öðrum sunnudegi eftir páska. Og súpa.
Messa og sunnudagsskóli verður í Selfosskirkju sunnudaginn 23. apríl kl. 11. Prestsþjónustu sinnir sr. Gunnar Jóhannesson. Kór kirkjunnar leiðir safnaðarsöng og Ester Ólafsdóttir spilar á orgelið. Sunnudagsskólinn í umsjá Sjafnar Þórarinsdóttur æskulýðsfulltrúa.
Súpa verður í safnaðarheimilinu eftir messuna og þá gegn vægu gjaldi. Verið velkomin.
Messa á fyrsta sunnudegi eftir páska
Svara
Messa er í Selfosskirkju kl. 11 sunnudaginn 16. apríl. Prestsþjónustu sinnir Axel Á Njarðvík. Kór kirkjunnar leiðir safnaðarsöng og Edit A Molnár spilar á orgelið. Bryndís Ebla Einarsdóttir syngur undir forspili. Verið velkomin.
Mögnuð tónlist í Selfosskirkju
Kirkjukór Selfosskirkju, undir stjórn Edit Anna Molnár, tók þátt á tónleikum Sinfóníuhljómsveitar Suðurlands í Selfosskirkju í annað sinn. Fyrst á jólatónleikum þess í desember sl., og síðan 8. apríl á páskatónleikum hljómsveitarinnar „Magnificat“.
Einsöngvarar á þessum tónleikunum voru Helga Rós Indriðadóttir sópran, Gunnlaugur Bjarnason barítón. Auk þeirra komu þrir kórar fram með hljómsveitinni. Þetta voru Kirkjukór Selfosskirkju, Kammerkór Norðurlands og Skagfirski kammerkórinn. Stjórnandi var Guðmundur Óli Gunnarsson.
Seinni hluti tónleikanna var helgaður hinu magnaða verki Magnificat eftir breska tónskáldið John Rutter.
Takk fyrir frábæra frammistöðu og ógleymanlega tónleika.
Myndbandið lítur upp yfir kirkjubekkinn og sýnir frá æfingu fólksins.
Kórfólkið í Selfosskirkju og reyndar allt tónlistarfólkið lagði mikla undirbúningsvinnu í verkið eins og heyra mátti af flutninginum.
Stjórnandinn Guðmundur Óli Gunnarsson ávarpar áheyrendur
Edit Anna Molnár kórstjóra þakkað fyrir og klappað lof í lófa eftir ríkulega sáningu og uppskeru.
Blásið af, af blæstri
Í ljósi vindaspá og úrkomuspá Veðurstofu Íslands fyrir föstudaginn langa hefur verið ákveðið að fella niður gönguna milli Laugardælakirkju og Selfosskirkju.
Helgihald um bænadaga og páska í Árborgarprestakalli
6. apríl – skírdagur
Fermingarmessur í Selfosskirkju kl. 11 og 13.
Messa í Laugardælakirkju kl. 15:00. Að messu lokinni fer aðalsafnaðarfundur sóknarinnar fram í kirkjunni.
7. apríl – föstudagurinn langi
Pílagrímaganga kl. 9:45. Gengið verður frá Laugardælakirkju að Selfosskirkju. Gangan hefst með stuttri helgistund í Laugardælakirkju og verður staldrað við á leiðinni til stuttra hugleiðinga.
8. apríl – Laugardagur fyrir páska
Magnificat – Páskatónleikar Sinfóníuhljómsveitar Suðurlands í Selfosskirkju kl. 16 (miðasala á tix.is).
9. apríl – páskadagur
Hátíðarmessa í Selfosskirkja kl. 08:00. Að messu lokinni býður sóknarnefnd kirkjugestum til morgunverðarborðs í safnaðarheimilinu.
Hátíðarmessa í Eyrarbakkakirkja kl. 08:00
Hátíðarmessa í Stokkseyrarkirkja kl. 11:00
Hátíðarmessa í Villingaholtskirkja kl. 11:00
10. apríl – annar páskadagur
Messa í Hraungerðiskirkju kl. 11:00
Messa í Gaulverjabæjarkirkja kl. 14:00
Gleðilega páska og verið öll hjartanlega velkomin til góðra og gefandi kirkjustunda yfir páskanna.
Pílagrímaganga á föstudaginn langa – Golgataganga 2023
Föstudaginn langa, föstudaginn 7. apríl nk, verður gengin pílagrímaganga frá Laugardælakirkju að Selfosskirkju.
Gangan hefst með stuttri helgistund í Laugardælakirkju kl. 9:45. Gengnir verður síðan þessi 3 km áleiðis að Selfosskirkju. Staldrað verður víða við á leiðinni til stuttra hugleiðinga. Stundum verður gengið í þögn og stundum ekki. Göngustjórar eru sr. Axel Árnason Njarðvík og dr. Guðmundur Brynjólfsson, djákni.
Allir eru velkomnir að slást í hópinn og svo er líka hægt að sækja helgistundir á báðum stöðum þótt fólk taki ekki þátt í göngunni. Göngufólk er beðið að koma vel skóað, klætt eftir veðri og með nestisbita. Þessi ganga gæti hent öllum og ekki síst börnum. Verið velkomin.
Boðun aðalsafnaðarfundar
Aðalsafnaðarfundur Laugardælasóknar
Aðalsafnaðarfundur Laugardælasóknar er boðaður og verður haldinn að lokinni messu á skírdag 6. apríl 2023. Messan hefst kl. 15 og fundurinn því laust fyrir kl. 16.
Sóknarnefnd boðar til aðalsafnaðarfundar með minnst viku fyrirvara og skal greina frá
dagskrá fundarins í fundarboði. Sóknarnefnd skal í samráði við starfandi sóknarprest og/eða
starfandi prest boða til aðalsafnaðarfundar sóknarinnar. Fundinn skal auglýsa með þeim hætti
sem venja er til um messuboð.
Þar skal taka fyrir eftirfarandi:
Gera grein fyrir starfsemi og rekstri sóknarinnar á liðnu starfsári.
Afgreiðslu reikninga sóknar og kirkjugarðs fyrir sl. ár, ásamt fjárhagsáætlun næsta árs.
Gera grein fyrir starfsemi héraðsnefndar og héraðsfundi.
Ákvörðun um meiriháttar framkvæmdir og framtíðarskuldbindingar.
Kosning tveggja skoðunarmanna eða endurskoðanda sóknar og kirkjugarðs og
varamanna þeirra til árs í senn.
Kosning sóknarnefndar, sbr. 6. gr. starfsreglna þessara.
Kosning í aðrar nefndir, ráð og trúnaðarstörf.
Önnur mál.
Hjálagt eru starfsreglur um söfnuði og sóknarnefndir
Kyrrðarbænin fellur niður í dag
Kyrrðarbæn srm vera átti kl 17 í dag, 29. mars 2023 fellur niður að þessu sinni.