Helgina 15. – 17. febrúar fóru 18 hressir unglingar ásamt leiðtogum úr æskulýðsfélagi Selfosskirkju Kærleiksbirnunum á Febrúarmót ÆSKR í Vatnaskógi. Á mótinu voru um 150 unglingar af stór Reykjavíkursvæðinu og nágrenni. Helgin var þéttskipuð fjölbreyttri og skemmtilegri dagskrá. Hópurinn gat ma. skemmt sér í hoppukastala, orrustu, spilum, borðtennis, skottaleik, karaoke og pottaferðum. Erna Kristín guðfræðinemi sá um fræðslu mótsins sem fjallaði um mikilvægi þess að hafa jákvæða líkamsímynd. Fastir liðir í dagskránnir voru einnig helgistundir, spurningakeppni, ball og atriðakeppni. Að þessu sinni sigraði Æskulýðsfélag Selfosskirkju atriðakeppnina með flutingi Viktors Kára Garðarssonar á laginu Rósinni. Helgin gekk glimrandi vel í alla staði og voru unglingarnir sjálfum sér og félaginu til sóma.

Jóhanna Ýr Jóhannsdóttir, æskulýðsfulltrúi Selfosskirkju

Æskulýðsfundir hófust aftur á nýju ári í vikunni og hófst fjörið með skemmtilegum “Capture the flag glow in the dark leik” Æskulýðsfundir eru á þriðjudögum kl. 19:30.

TTT hófst einnig í vikunni en TTT er fyrir 10 – 12 ára börn og er á miðvikudögum kl. 16:00 – 17:00.

Framundan er fjölbreytt dagskrá og mót í Vatnaskógi.

Hér eru nokkar myndir frá fundunum í vikunni.

Í fyrramálið 5. september kl. 10:30 -12:00 verður opið hús á baðstofulofti Selfosskirkju gengið inn um safnaðarheimili.

Hér má sjá drög að haustdagskrá foreldramorgna og er hún er birt með fyrirvara um breytingar.

Nú á næstu dögum fer allt æskulýðsstarf í Selfosskirkju að hefjast.

Æskulýðsfélagið Kærleiksbirnirnir hittist í safnaðarheimilinu á þriðjudögum kl. 19:30.

TTT hefst miðvikudaginn 5. september kl. 16:00 – 17:00.

6 – 9 ára starf Selfosskirkju í Sunnulæk  18. september – 27. nóvember kl. 13:00 – 13:45 og 15. janúar – 9. apríl.

6 – 9 ára starf Selfosskirkju í Vallaskóla 20. september – 29. nóvember kl. 13:00 – 14:00 og 17. janúar – 11. apríl.

Skráning í 6 – 9 ára starf er á: aesko@selfosskirkja.is tilgreinið nafn barns, bekk og skóla.

Foreldramorgnar hefja göngu sína 5. september kl. 10:30 – 12:00. Hópur er undir nafninu Foreldramorgnar í Selfosskirkju á Fb þar sem haustdagskráin verður auglýst.

Sunnudagaskólinn hefst sunnudaginn 2. sept. kl. 11:00.

Æskulýðsstarf er þátttakendum að kostnaðarlausu.

Jóhanna Ýr Jóhannsdóttir, æskulýðsfulltrúi Selfosskirkju

Mynd: Æskulýðsfulltrúi og leiðtogar í æskulýðsstarfi Selfosskirkju 2018-2019, á myndina vantar nokkra leiðtoga.

Allt barna og æskulýðsstarf Selfosskirkju hefst í vikunni:
Sunnudagaskóli kl. 11:00 á sunnudögum
Kirkjuskóli í Vallaskóla á fimmtudögum kl. 14:00
Kirkjuskóli í Sunnulækjarskóla á þriðjudögum kl. 13:00
TTT (10 -12 ára starf) á miðvikudögum kl. 16:00 – 17:00
æskulýðsfélag á þriðjudögum kl. 19:30
foreldramorgnar á miðvikudögum kl. 10:30 – 12:00

Það var heldur betur skemmtileg stund í sunnudagaskólanum á svokallaðri Lúsíuhátíð. Barnakór Selfosskirkju hóf messuna með fallegum Lúsíusöng og klæddust börnin Lúsíubúning. Því næst kom kórinn og söng í sunnudagaskólanum, fræðsla var um Heilaga Lúsíu, sungin jólalög og að lokum föndur fyrir alla.