Krílasálmar er tónlistarnámskeið fyrir foreldra og börn þeirra á aldrinum 3ja til 12 mánaða. Á námskeiðinu er foreldrum kennt hvernig nota má tónlist og söng til að efla tengslin við börnin og örva þroska þeirra.
Á námskeiðinu er stuðst við tónlistararf kirkjunnar en jafnframt eru sungnar þekktar vísur, leikið á bjöllur og spilað á hristur. Það verður einnig dansað, notast við slæður, blöðrur og sápukúlur til að örva öll skynfæri barnanna.

Námskeiðið er fjögur skipti, frá 19. febrúar til 12. mars, og fer fram á sunnudögum kl. 9:30-10:10 á baðstofulofti Selfosskirkju. Kosturinn við þessa tímasetningu er einkum sá báðum foreldrum gefst kostur á að koma á námskeiðið með barninu.

Umsjón með námskeiðinu hefur Sjöfn Þórarinsdóttir, æskulýðsfulltrúi kirkjunnar.

Ekkert þátttökugjald er fyrir námskeiðið en takmarkaður sætafjöldi er í boði.
Nauðsynlegt er því að skrá sig til að tryggja sér sæti.

Skráningarform er hér: https://forms.gle/KbqPEhbBrth1hyDD7

Frekari upplýsingar er hægt að fá hjá sjofn@selfosskirkja.is

Sumir hafa velt vöngum yfir appelsínugula fánanum sem blaktir við hún á fánastöng kirkjunnar.

Soroptimistasamband Evrópu hefur síðan 2009 hvatt borgir til að lýsa upp aðalbyggingar sínar með appelsínugulum, roðagylltum lit. Með því móti er vakin athygli á ofbeldi gegn konum.

– 35 prósent allra kvenna í heiminum munu upplifa ofbeldi. Á sumum svæðum allt að 7 af hverjum 10 konum.
– Meira en 600 milljónir kvenna búa í löndum þar sem heimilisofbeldi er ekki bannað.
– Allt að 50 prósent alls kynferðisofbeldis á sér stað gagnvart stúlkum undir 16 ára aldri.
– 250 milljónir kvenna í dag voru giftar áður en þær urðu 15 ára.
– 200 milljónir kvenna í dag hafa verið beittar kynferðislegu ofbeldi.

Ofbeldi gegn konum er aldrei einkamál heldur samfélagslegt vandamál sem
hefur áhrif á milljónir kvenna og enn fleiri milljónir barna.
Selfosskirkja tekur þátt í átakinu með því að flagga appelsínugulum fána
frá 25. nóvember til 10. desembers 2022.

Örnámskeið í söng og tónlist fyrir börn fædd 2017.
Námskeiðið er aðeins þrjú skipti og er börnunum að kostnaðarlausu.

Þið getið skráð börnin eða fengið frekari upplýsingar hjá Edit organistanum okkar, í gegnum netfangið edit@simnet.is

Síðast mættu yfir 100 manns sem fylltu kirkjuna af söng. Í þetta skiptið efna söngvarar úr barna-, unglinga-, og kirkjukór kirkjunnar til opinnar söngstundar 13. nóvember næstkomandi.

Hlökkum til að sjá þig

sunnudaginn 2. október

DAGSKRÁ
Fjölskylduguðsþjónusta kl. 11.

Guðný Einarsdóttir og Sigrún Magna Þórsteinsdóttir organistar heimsækja okkur og spila fræg orgelverk og Eurovisionslagara. Barnakór Selfosskirkju syngur og hver veit nema það verði fleiri óvæntir gestir?

Kl. 12:30 og 13:30: Orgelkrakkavinnusmiðja í safnaðarheimili.
Í orgelkrakkavinnusmiðju setja börn saman lítið pípuorgel frá grunni og leika á það í lok stundar.

Skráning fer fram með tölvupósti á orgelkrakkar@gmail.com

Nánari upplýsingar á facebook.com/orgelkrakkar

Föstudaginn 29. október verður kvöldvaka hjá TTT krökkunum í safnaðarheimili kirkjunnar, frá kl. 18:00 – 21:30.
Safnaðarheimilið verður sett í draugalegan búning í anda hrekkjavökunnar. Skuggalegar pizzur verða bornar á borð og afturgengið gos með.
Öll börn í 5. – 7. bekk eru velkomin og þátttökugjald eru litlar 1.000 kr.
Skráning hér https://forms.gle/2QheDSQ7NQMdVsrG9