Sunnudaginn 18.mars verður messa kl. 11. Boðunardagur Maríu. Prestur sr. Ninna Sif Svavarsdóttir, kór kirkjunnar syngur, organisti Edit Molnár. Á sama tíma er sunnudagaskóli í safnaðarheimilinu í umsjón Jóhönnu Ýrar og leiðtoga. Súpa í safnaðarheimilinu gegn vægu gjaldi að messu lokinni. Sjáumst í kirkjunni!
Greinasafn eftir: a a
Guðsþjónusta í Hraungerðiskirkju
Sunnudaginn 4.mars verður guðsþjónusta í Hraungerðiskirkju kl. 13.30. Barn borið til skírnar. Söngkór Villingaholts – og Hraungerðissókna syngur undir stjórn Inga Heiðmars Jónssonar. Prestur sr. Ninna Sif Svavarsdóttir.
Áður auglýstum aðalsafnaðarfundi er frestað.
Æskulýðsdagur þjóðkirkjunnar í Selfosskirkju
Fyrsti sunnudagur í mars er æskulýðsdagur þjóðkirkjunnar. Þann dag verða tvær messu í Selfosskirkju helgaðar unga fólkinu. Kl. 11 verður fjölskyldumessa með þátttöku barna og unglinga úr æskulýðsstarfi kirkjunnar. Söngur, gleði og gaman! Umsjón með stundinni hafa Jóhanna Ýr og sr. Ninna Sif. Allir velkomnir, súpa og brauð gegn vægu gjaldi að messu lokinni. Kl. 12.30 hefst svo aðalsafnaðarfundur í safnaðarheimilinu.
Kl. 20 verður Star Wars messa. Þar leika nemendur Tónlistarskóla Árnesinga tónlist úr Star Wars kvikmyndunum á ýmis hljóðfæri og fjallað verður um stef og persónur í kvikmyndunum frá sjónarhóli trúarinnar.
Skemmtilegur konudagur í Selfosskirkju – safnað fyrir flygli
Í Selfosskirkju gerum við okkur dagamun á konudaginn. Í messunni kl. 11 verður tónlistarveisla þar sem boðið verður upp á hljóðfæra leik og kirkjukórinn og unglingakórinn syngja. Að messu lokinni verður borin fram dýrindis súpumáltíð í safnaðarheimilinu sem Renuka Chareyre á Seylon reiðir fram ásamt sjálfboðaliðum úr kirkjustarfinu. Máltíðin mun kosta 1000 kr. og mun öll innkoman fara óskert í kaup á flygli í Selfosskirkju. Þá munu félagar úr Lionsklúbbi Selfoss gefa öllum konum sem koma til kirkju eina rós.
Slökunar – og bænajóga í Selfosskirkju
Á miðvikudögum í febrúar kl. 17.30 verður boðið upp á slökunarjóga í Selfosskirkju með bænaívafi. Um er að ræða klukkustundar langar samverur þar sem gerðar verða einfaldar jóga – og slökunaræfingar og iðkuð bæn. Umsjón með samverunum hefur Ragnheiður Eiríksdóttir jógakennari ásamt prestum Selfossprestakalls.
Þátttaka er gjaldfrjáls en við biðjum þau sem vilja taka þátt að skrá sig hjá prestunum á netföngin gudbjorg.arnardottir@kirkjan.is eða ninna.sif.svavarsdottir@kirkjan.is. Æskilegt er að hafa með sér dýnu til að leggja á gólfið og jafnvel einnig hlýtt teppi. Fyrsta samveran verður miðvikudaginn 7.febrúar nk.
Messa og sunnudagaskóli 21.janúar
Nk. sunnudag 21.janúar verður messa í Selfosskirkju kl. 11. Prestur sr. Ninna Sif Svavarsdóttir, organisti Edit Molnár, kór kirkjunnar syngur.
Á sama tíma er sunnudagaskóli í safnaðarheimilinu í umsjón Jóhönnu Ýrar Jóhannsdóttur og æskulýðsleiðtoga.
Í safnaðarheimilinu verður borin fram súpa gegn vægu gjaldi að messu lokinni.
Fyrsta messa ársins 7.janúar
Fyrsta messa nýs árs verður sunnudaginn 7.janúar kl. 11. Prestur sr. Ninna Sif Svavarsdóttir, kór kirkjunnar syngur, organisti Esther Ólafsdóttir.
Æskulýðsstarf kirkjunnar hefst að loknu jólaleyfi með fjölskyldumessu sunnudaginn 14.janúar nk.
Morgunbænir hefjast á ný 16.janúar 2018
Nú strax eftir áramót fær safnaðarheimili kirkjunnar andlitslyftingu þar sem það verður málað og parketið pússað. Þess vegna falla morgunbænir í kirkjunni niður á meðan og þær hefjast á ný þriðjudaginn 16.janúar nk. Þá falla hefðbundnir viðtalstímar presta einnig niður dagana 2.-5.janúar en prestarnir svara að sjálfsögðu í síma og allri þjónustu er sinnt.
Jólaball Selfosskirkju 17.desember
Aðventuheimsóknir leik – og grunnskóla á Selfossi
Selfosskirkja hefur iðað af lífi alla morgna í desember. Um 950 börn í leik – og grunnskólum á Selfossi hafa komið í aðventuheimsóknir ásamt starfsfólki skólanna og við starfsfólk kirkjunnar lögðum mikinn metnað í að taka vel á móti þessum góðu gestum. Það var mikið stuð á okkur þegar sungum hressileg lög saman, svo kveiktum við á aðventukransinum og rifjuðum þannig upp jólasöguna sem sögð er í kirkjunni um hver jól og sýndum leikrit þar sem umfjöllunarefnið var jólahald í gamla daga og í nútímanum og hvað það er sem gefur jólunum raunverulegt gildi.
Á myndinni hér að neðan sjást æskulýðsfulltrúi og prestar kirkjunnar í leikmynd og búningum leikritsins sem við sýndum börnunum.
Hjartans þakkir fyrir komuna!
Kær kveðja, starfsfólk Selfosskirkju.