Helgihald fyrsta sunnudags í aðventu í Selfossprestakalli verður með eftirfarandi hætti:

Í Selfosskirkju verður fjölskyldumessa kl. 11.  Unglingakór kirkjunnar syngur ásamt kirkjukór undir stjórn Edit Molnár.  Við heyrum jólasögu og kveikjum á fyrsta kertinu á aðventukransinum.  Að lokinni messu gefst kostur á að kaupa súpu og brauð í safnaðarheimilinu, og þar verður líka kökubasar unglingakórsins.  Prestur er sr. Ninna Sif Svavarsdóttir.

Í Villingaholtskirkju verður aðventukvöld kl.20.  Ræðumaður er Gunnlaug Hartmannsdóttir skólastjóri Flóaskóla.  Söngkór Villingaholts – og Hraungerðissókna syngur undir stjórn Inga Heiðmars Jónssonar.  Prestur sr. Ninna Sif Svavarsdóttir.

“Guð í þinni hendi, hvíli ég í trú” .. 

Messa í Selfosskirkju sunnudaginn 19. nóvember kl. 11:00

Organisti er Edit A. Molnár, Kirkjukórinn syngur og prestur er Jóhanna Magnúsdóttir.

Óttar Pétursson,  sem er nú í fermingarfræðslu í Selfosskirkju  spilar kafla úr fiðlukonsert eftir Vivaldi.

Sunnudagaskóli á sama tíma, umsjón hefur Jóhanna Ýr Jóhannsdóttir ásamt leiðtogum.
Súpa og brauð í Safnaðarheimilinu á eftir, gegn vægu gjaldi.

Verið öll hjartanlega velkomin!

Í Allra heilagra messu minnumst við látinna ástvina með því að kveikja á kertum  og þökkum fyrir líf þeirra með bænum, íhugun og tónlist.

Messan  verður með einfölduðu formi – og áhersla á fallega tónlist og samveru í nánd.

Organisti er Edit A. Molnár, Kirkjukórinn syngur og prestur er Jóhanna Magnúsdóttir.
Sunnudagaskóli á sama tíma, umsjón hefur Jóhanna Ýr Jóhannsdóttir ásamt leiðtogum.
Súpa og brauð í Safnaðarheimilinu á eftir, gegn vægu gjaldi.

Verið öll hjartanlega velkomin!

Næstkomandi sunnudagskvöld 22.október verður kvöldmessa í Selfosskirkju.  Karitas Harpa Davíðsdóttir ætlar að syngja við undirleik Stefáns Þorleifssonar.  Prestur sr. Ninna Sif Svavarsdóttir.  Kvöldmessur í Selfosskirkju eru notalegar og nærandi stundir þar sem hið hefðbundna messuform er brotið upp.  Í aðalhlutverki er falleg tónlist og orð Guðs sem byggir upp og nærir.  Það verður gott að koma – sjáumst í kirkjunni!

Það verður lífleg og skemmtileg fjölskyldumessa í Selfosskirkju nk. sunnudag kl. 11.  Barnakór kirkjunnar syngur undir stjórn Edit Molnár, við heyrum Biblíusögu, sjáum brúðuleikrit og syngjum skemmtilega söngva.  Umsjón með stundinni hafa Jóhanna Ýr æskulýðsfulltrúi og sr. Ninna Sif.

Súpa í safnaðarheimilinu að messu lokinni – sjáumst í kirkjunni!

Nk. sunnudag 8.október verður þjóðbúningamessa í Villingaholtskirkju.  Þangað eru allir hvattir til að mæta í þjóðbúningum, en það er auðvitað engin skylda.  Prestur er sr. Ninna Sif Svavarsdóttir, organist Ingi Heiðmar Jónsson, söngkór Villingaholts – og Hraungerðissókna leiðir sönginn.

Að messu lokinni verður messukaffi í Þjórsárverum, Pálinuboð þar sem allir leggja eitthvað til á kaffiborðið.

Meðfylgjandi mynd var tekin við  síðustu þjóðbúningamessu í Villingaholti.

Sunnudaginn 24.september verður messa í Selfosskirkju kl. 11.  Prestur sr. Ninna Sif Svavarsdóttir, kór kirkjunnar syngur og leiðir safnaðarsöng undir stjórn Edit Molnár organista.  Þær systur Marta og María eru til umfjöllunar í guðspjalli dagsins.

Á sama tíma er sunnudagaskóli í safnaðarheimilinu í umsjón Jóhönnu Ýrar Jóhannsdóttur og leiðtoga úr æskulýðsstarfinu.  Söngur, brúður, biblíusaga og gleði!

Sjáumst í kirkjunni!

Sunnudaginn 10.september kl. 11  er messa og sunnudagaskóli í Selfosskirkju.  Í messunni þjónar sr. Ninna Sif Svavarsdóttir fyrir altari og kór kirkjunnar syngur og leiðir safnaðarsöng undir stjórn Edit Molnár.  Sunnudagaskólanum stýra leiðtogar úr æskulýðsstarfinu og þar verður líf og fjör.  Sjáumst í kirkjunni!

Sunnudaginn 27.ágúst er messa í Selfosskirkju kl. 11.  Prestur sr. Ninna Sif Svavarsdóttir.  Kór kirkjunnar syngur undir stjórn Edit Molnár.  Sjáumst í kirkjunni!

Sunnudaginn 20.ágúst kl. 11 verður messa í Selfosskirkju.  Þangað eru fermingarbörn vorsins 2018  boðin sérstaklega velkomin ásamt fjölskyldum sínum og messan er í beinu framhaldi af námskeiðinu sem hin væntanlegu fermingabörn hafa verið á í kirkjunni í vikunni.  Kór kirkjunnar syngur og leiðir almennan safnaðarsöng, organisti og kórstjóri er Edit Molnár.  Prestur er sr. Ninna Sif Svavarsdóttir.  Að messu lokinni verður boðið upp á kaffi, djús og ávexti í safnaðarheimilinu.