Sunnudaginn 19. janúar verður helgihald með fjölbreyttum hætti í Árborgarprestakalli.

Í Selfosskirkju verður sunnudagaskólinn á sínum stað kl. 11:00

Í Eyrarbakkakirkju verður messa kl. 11:00, Kammerkór Eyrarbakkakirkju syngur, orgnaisti verður Guðný Alma Halldórsdóttir og prestur Guðbjörg Arnardóttir.

Í Gaulverjabæjarkirkju verður messa kl. 14:00. Kirkjukórinn syngur, organisti Haukur Arnarr Gíslason og prestur Guðbjörg Arnardóttir.

Í Selfosskirkju verður kvöldmessa kl. 20:00. Kirkjukórinn syngur og spilar, tónlistin verður létt og ljúf. Kórstjóri Edit A. Molnár og prestur Guðbjörg Arnardóttir.

Við viljum vekja athygli á vikulegum bænastundum í Selfosskirkju.
Á þriðjudögum kl. 12:00 er kyrrðarbæn, setið er kirkjunni í bæn, þögn og íhugun í 20 mínútur.
Á miðvikudögum kl. 10:00 er bænastund inni í kirkjunni og eftir bænastundina sem er í kringum 15 mínútur er boðið upp á kaffisopa og gott samtal í safnaðarheimili kirkjunnar.

Verið velkomin til samveru í kirkjunni okkar!

Barnakór Selfosskirkju auglýsir eftir fleiri söngelskum börnum! Í kórnum er fullt af kátum krökkum í 2.-4. bekk sem ætla að syngja m.a. í messum, á skemmtikvöldum og vortónleikum. Svo verður vorferð og aldrei að vita nema við syngjum og skemmtum okkur með fleiri barnakórum!
Starfið hófst aftur þriðjudaginn 7. janúar og kóræfingar eru á milli klukkan 16:00-16:45 á þriðjudögum. Allt kórastarf í Selfosskirkju er ókeypis og hægt er að skrá sig á selfosskirkja.skramur.is eða hafa samband við Bergþóru Kristínardóttir í berg.runars@gmail.com

Aftansöngur með hefðbundnu sniði klukkan 17:00. Séra Ása Björk þjónar, Bryndís er meðhjálpari og Guðný sinnir kirkjuvörslu. Um tónlistina sjá kirkjukórinn og Edit organisti. Við syngjum út árið sem er að líða, og margt fleira fallegt. Hlökkum til að sjá ykkur og gleðilegt ár!

11:00 Sunnudagaskóli undir leiðsögn Sjafnar og leiðtoganna

15:00 Jólasöngstund sem unglingakórinn okkar leiðir og kaffisala til styrktar kórnum í lok stundarinnar. Gestasöngvari er Maríanna Másdóttir og kórstýra/meðleikari er Edit A Molnár

20:00 Blá jólamessa, hugljúf stund sniðin að þeim sem hafa misst, finna til saknaðar eða kvíða í aðdraganda jóla. Séra Ása Björk leiðir stundina og tónlistina leiða kirkjukórinn ásamt Edit organista

Öll eru innilega velkomin í allar stundirnar

Sunnudaginn 15. desember kl. 15:00 verður jólasöngstund Unglinkórsins og er Maríanna Másdóttir sérstakur gestur. Eftir stundina verður Unglingakórinn með kaffisölu.

Selfosskirkja
Sunnudaginn 8. desember verður helgistund og jólaball kl. 11:00.  Börn úr kórskólanum koma fram, einnig tónlistarhópur frá Tónlistaskóla Árnesinga.  Eigum góða stund saman í kirkjunni, dönsum í kringum jólatréð og fáum góða gesti í heimsókn.

Eyrarbakkakirkja
Aðventusamvera kl. 14:00 sunnudaginn 8. desember.  Kammerkór Eyrarbakkakirkju syngur, organisti Pétur Nói Stefánsson.  Fiðluleikur Guðrún Birna Kjartansdóttir.  Skólakór Barnaskólaskólans á Eyrarbakka og Stokkseyri syngur.  Prestur Guðbjörg Arnardóttir.

Hraungerðiskirkja
Aðventukvöld sunnudaginn 8. desember kl. 20:00.  Kirkjukórinn syngur, organisti Guðmundur Eiríksson. Einsöng syngur Berglind Guðnadóttir. Ingunn Jónsdóttir flytur hugleiðingu.  Prestur Guðbjörg Arnardóttir.

Frábærar fréttir!
Vegna fjölda fyrirspurna höfum við ákveðið að bjóða líka börnum í 1. bekk að koma á kórnámskeiðið okkar.